Diocese

അടിസ്‌ഥാന ക്രൈസ്‌തവ സമൂഹങ്ങൾ സഭയുടെ ചാലക ശക്‌തി: ഡോ. ഗ്രിഗറി ആർ ബി

അടിസ്‌ഥാന ക്രൈസ്‌തവ സമൂഹങ്ങൾ സഭയുടെ ചാലക ശക്‌തി: ഡോ. ഗ്രിഗറി ആർ ബി

നെയ്യാറ്റിൻകര: അടിസ്‌ഥാന ക്രൈസ്‌തവ സമൂഹങ്ങളാണ്‌ (ബി.സി.സി. യൂണിറ്റുകൾ) ലത്തീൻ സഭയുടെ ചാലക ശക്‌തിയായി പ്രവർത്തിക്കുന്നതെന്ന്‌ ആലുവ പൊന്തിഫിക്കൽ സെമിനാരി പ്രൊഫസർ ഡോ. ഗ്രിഗറി ആർ ബി.

ഇടവകകളിലെ അടിസ്‌ഥാന ക്രൈസ്‌തവ സമൂഹങ്ങളെ പ്രവർത്തനക്ഷമമാക്കേണ്ട വലിയ ചുമതല ശുശ്രൂഷ കോ ഓർഡിനേറ്റർമാർക്കുണ്ടെന്ന്‌ അദേഹം പറഞ്ഞു. നെയ്യാറ്റിൻകര രൂപതയിൽ  പുതുതായി തെരെഞ്ഞെടുക്കപ്പെട്ട ശുശ്രൂഷ കോ ഓർഡിനേറ്റർമാർക്കുളള ക്ലാസ്‌ പത്താംങ്കല്ല്‌ തിരുഹൃദയ ദേവാലയത്തിൽ നടത്തുകയായിരുന്നു അദ്ദേഹം. മിഷൻ കോൺഗ്രസിന്റെ ആശയങ്ങൾ ബി.സി.സി. യൂണിറ്റുകൾ വഴി വിശ്വാസ സമൂഹത്തിലേക്ക്‌ എത്തിക്കണമെന്നും അദേഹം കൂട്ടിച്ചേർത്തു.

ബി.സി.സി. യൂണിറ്റുകളിൽ ശുശ്രൂഷ കോഓർഡിനേറ്റർമാരുടെ പങ്കും ഇടവകാ രൂപതാ പ്രവർത്തനങ്ങളുടെ ചാലക ശക്‌തിയായി ശുശ്രൂഷാ കോ ഓർഡിനേറ്റർമാർ പ്രവർത്തിക്കേണ്ടതിന്റെ ആവശ്യകതയെക്കുറിച്ചും കെ.ആർ.എൽ.സി.സി. ഡെപ്യൂട്ടി സെക്രട്ടറി ഫാ. തോമസ്‌ തറയിലും ക്ലാസെടുത്തു.

വിവിധ ഇടവകളിൽ നിന്നുളള 150 തിലധികം ശുശ്രൂഷ കോ ഓർഡിനേറ്റർമാർ ക്ലാസിൽ പങ്കെടുത്തു. വിവിധ ആനിമേറ്റർമാരുടെ നേതൃത്വത്തിൽ ഫൊറോന അടിസ്‌ഥാനത്തിൽ ചെറു ചർച്ചകളോടെയാണ്‌ പരിപാടി സമാപിച്ചത്‌. രൂപതാ ബി.സി.സി. എക്‌സിക്യൂട്ടീവ്‌ സെക്രട്ടറി ഫാ. അജീസ്‌ ക്രിസ്‌തുദാസ്‌ പരിപാടിക്ക്‌ നേതൃത്വം നല്‍കി

Show More

Leave a Reply

Your email address will not be published. Required fields are marked *

Related Articles

Back to top button
Close
Close

Adblock Detected

Please consider supporting us by disabling your ad blocker