Parish
ആറയൂരിലെ വിശ്വാസികള്‍ 240 മണിക്കൂര്‍ ദിവ്യകാരുണ്യത്തിന്റെ മുന്നില്‍
ആറയൂരിലെ വിശ്വാസികള്‍ 240 മണിക്കൂര്‍ ദിവ്യകാരുണ്യത്തിന്റെ മുന്നില്‍
പാറശാല ; ആറയൂര്‍ വിശുദ്ധ എലിസബത്ത്‌ ദൈവാലയത്തിലെ വിശ്വാസികള്‍ 240 മണിക്കൂര്‍ ദിവ്യകാരുണ്യ നാഥന്‌ മുന്നില്‍ പ്രാര്‍ത്ഥനാ ചൈതന്യത്തില്‍ തുടരുന്നു . ഒക്‌ടോബര്‍ 31 ന്‌ ജപമാല മാസാചരണത്തിന്റെ സമാപന ദിവസം അഭിവന്ദ്യ ഡോ.വിന്‍സെന്റ്‌ സാമുവല്‍ പിതാവാണ്‌ പത്ത്‌ ദിവസം നീണ്ടു നില്‍ക്കുന്ന ആരാധനക്ക്‌ തുടക്കം കുറിച്ചത്‌.
നവംബര്‍ 10 വെളളിയാഴ്‌ച ഇടവക തിരുനാള്‍ ആരംഭിക്കുന്നത്‌ വരെ ദിവ്യകാരുണ്യ ആരാധന ദൈവാലയത്തില്‍ ക്രമീകരിച്ചിട്ടുണ്ട്‌. വിശ്വാസികള്‍ക്ക്‌ ഈ ദിവസങ്ങളില്‍ 24 മണിക്കൂറും ആരാധനയില്‍ പങ്കെടുക്കാനുളള അവസരവും ഉണ്ടാകും . ഇടവകയിലെ ബി സി സി യൂണിറ്റുകളും ഭക്‌ത സംഘടനകളുമാണ്‌ ആരാധനക്ക്‌ നേതൃത്വം നല്‍കുന്നത്‌. എല്ലാ ദിവസവും വൈകിട്ട്‌ 6 മുതല്‍ വചന പ്രഘോഷണവും ക്രമീകരിച്ചിട്ടുണ്ടെന്ന്‌ ഇടവക വികാരി ഫാ.റോബര്‍ട്ട്‌ വിന്‍സെന്റ്‌ അറിയിച്ചു.
