Kerala

ആലപ്പുഴ രൂപതയുടെ യുവജന വർഷ സമാപന സമ്മേളനം ‘ABLAZE’

ആലപ്പുഴ രൂപതയുടെ യുവജന വർഷ സമാപന സമ്മേളനം 'ABLAZE'

ജോസ് മാർട്ടിൻ

ആലപ്പുഴ: ആലപ്പുഴ രൂപതയുടെ ആഭിമുഖ്യത്തിൽ യുവജന വർഷ സമാപന സമ്മേളനവും കെ.സി.വൈ.എം റൂബിജൂബിലി ആഘോഷവും സംയുക്തമായി നടത്തി. `ABLAZE´ എന്ന പേരിലായിരുന്നു പരിപാടി സംഘടിപ്പിച്ചത്.

ആലപ്പുഴ രൂപതാ സഹായമെത്രാൻ ഡോ. ജയിംസ് ആനാപ്പറമ്പിന്റെ മുഖ്യകാർമികത്വത്തിൽ ആലപ്പുഴ മൗണ്ട് കാർമൽ കത്തീഡ്രലിൽ രാവിലെ 11 -മണിയോടെ നടന്ന സമൂഹ ദിവ്യബലിയോടെയാണ് ആഘോഷങ്ങൾക്ക് തുടക്കംകുറിച്ചത്. കെ.സി.വൈ.എം. ആലപ്പുഴ രൂപത ഡയറക്ടർ ഫാ. സെബാസ്റ്റ്യൻ പുന്നക്കൽ, ഫാ. ജോയ് പഴമ്പാ ശ്ശേരി, ഫാ. ഗ്ലണ് ഫേബർ, ഫാ. ടോമി തുടങ്ങിയവർ സഹകാർമികരായിരുന്നു.

തുടർന്ന് 2.30 -ന് ആലപ്പുഴ ലിയോ തേർട്ടീന്ത് സ്കൂൾ ഓഡിറ്റോറിയത്തിൽ നടന്ന യുവജന സമ്മേളനം ആലപ്പുഴ രൂപതാ മെത്രാൻ ഡോ. സ്റ്റീഫൻ അത്തിപ്പൊഴിയിൽ പിതാവ് ഭദ്രദീപം കൊളുത്തി ഉദ്ഘാടനം ചെയ്തു. ആലപ്പുഴ രൂപത വികാരി ജനറൽ മോൺ. പയസ് ആറാട്ടുകുളം, കെ.സി.വൈ.എം. ഡയറക്ടർ ഫാ. സെബാസ്റ്റ്യൻ പുന്നക്കൽ, കെ.സി.വൈ.എം. പ്രസിഡന്റ് നിതിൻ ജോസഫ്, കെ.സി.വൈ.എം. ജനറൽ സെക്രട്ടറി പോൾ ആന്റണി, വിവിധ രാഷ്ട്രീയ-സാമൂഹിക സംഘടനാ നേതാക്കൾ തുടങ്ങിയവർ സമ്മേളനത്തിൽ പ്രസംഗിച്ചു.

തുടർന്ന്, ആലപ്പുഴ രൂപതയിൽ നിന്ന് കലാ-കായിക രംഗങ്ങളിൽ മികവ് തെളിയിച്ച പ്രതിഭകളെ അവാർഡ് നൽകി ആദരിച്ചു. രൂപതയിലെ വിവിധ യൂണിറ്റുകളിലെ കലാകാരന്മാർ അവതരിപ്പിച്ച കലാവിരുന്നോടെയാണ് ചടങ്ങുകൾക്ക് സമാപനം കുറിച്ചത്.

Show More

Leave a Reply

Your email address will not be published. Required fields are marked *

Related Articles

Back to top button
Close
Close

Adblock Detected

Please consider supporting us by disabling your ad blocker