Diocese

ഉച്ചക്കട ആര്‍.സി.എല്‍.പി.എസിൽ 400-ല്‍പരം വിഭവങ്ങളുമായി ജീവാമൃതം പ്രദര്‍ശന വിപണന മേള

ഉച്ചക്കട ആര്‍.സി.എല്‍.പി.എസിൽ 400-ല്‍പരം വിഭവങ്ങളുമായി ജീവാമൃതം പ്രദര്‍ശന വിപണന മേള

അനിൽ ജോസഫ്‌

കാഞ്ഞിരംകുളം: ജീവിത ശൈലി രോഗങ്ങളെ പ്രതിരോധിക്കാന്‍ പുത്തന്‍ ഭക്ഷണ ശൈലിയുടെ പാഠങ്ങളുമായി ഉച്ചക്കട ആര്‍.സി.എല്‍.പി.എസിൽ ജീവാമൃതം സംഘടിപ്പിച്ചു. ‘ഫാസ്റ്റ്ഫുഡിനെ പ്രതിരോധിക്കുക’ എന്ന ലക്ഷ്യത്തോടെ സംഘടിപ്പിച്ച പരിപാടിയില്‍ സ്കൂള്‍ വിദ്യാര്‍ഥികളുടെ വീടുകളില്‍ പാകം ചെയ്ത 400 ലധികം വിഭവങ്ങള്‍ ജീവാമൃതം പ്രദര്‍ശന വിപണ മേളയുടെ ഭാഗമായി.

മീന്‍ വിഭവങ്ങള്‍ വിവിധ ഇനം കറികള്‍ തോരന്‍റെ വിവിധ രുചിഭേദങ്ങള്‍, കപ്പ തുടങ്ങി വ്യത്യസ്തമായ അനുഭവമാണ് പ്രദര്‍ശനം നല്‍കിയത്. പ്രദര്‍ശനത്തിനെത്തിച്ച എല്ലാ വിഭവങ്ങളുടെയും പാചക രീതിയും ചേരുവകകളുടെ ലിസ്റ്റും വിപണ മേളയില്‍ പ്രദര്‍ശിപ്പിച്ചിരുന്നു. പ്രദര്‍ശന വിപണന മേള പഞ്ചായത്ത് പ്രസിഡന്‍റ് സൗമ്യ ഉദയന്‍ ഉദ്ഘാടനം ചെയ്തു.

നെയ്യാറ്റിന്‍കര രൂപത കോര്‍പ്പറേറ്റ് മാനേജര്‍ ഫാ.ജോസഫ് അനില്‍, ലോക്കല്‍ മാനേജര്‍ ഫാ.സി.ജോയി, വാര്‍ഡ് മെമ്പര്‍ അജീഷ് മുന്‍ ജില്ലാ ലേബര്‍ ഓഫിസര്‍ സത്യദാസ്, ഡിപിഓ കൃഷ്ണകുമാര്‍, ഹെഡ്മാസ്റ്റര്‍ ടി ആര്‍ ബെയ്സില്‍, പിടിഎ പ്രസിഡന്‍റ് ജെ സുനി തുടങ്ങിയവര്‍ പ്രസംഗിച്ചു.

വിദ്യാര്‍ഥികള്‍ക്കൊപ്പം മാതാപിതാക്കളും നാട്ടുകാരും നാടന്‍ ഭക്ഷണങ്ങളുടെ രുചിയറിഞ്ഞാട് മടങ്ങിയത്.

Show More

Leave a Reply

Your email address will not be published. Required fields are marked *

Related Articles

Back to top button
error: Content is protected !!
Close
Close

Adblock Detected

Please consider supporting us by disabling your ad blocker