Kerala

ഓഖി; സർക്കാരിന്റെ ആത്‌മാർത്ഥയെ ഇതു വരെയും ചോദ്യം ചെയ്യ്‌തിട്ടില്ല; ഡോ. സൂസപാക്യം

ഓഖി; സർക്കാരിന്റെ ആത്‌മാർത്ഥയെ ഇതു വരെയും ചോദ്യം ചെയ്യ്‌തിട്ടില്ല; ഡോ. സൂസപാക്യം

അനിൽ ജോസഫ്

തിരുവനന്തപുരം: ഓഖി ദുരന്തത്തെ തുടർന്നുളള പുന:രധിവാസ പദ്ധതികളിൽ സംസ്‌ഥാന സർക്കാരിന്റെ ആത്‌മാർത്ഥതയെ ഇതു വരെയും ലത്തീൻ സഭ ചേദ്യം ചെയ്യ്‌തിട്ടില്ലെന്ന്‌ ആർച്ച്‌ ബിഷപ്‌ ഡോ. സൂസപാക്യം. സർക്കാരിന്റെ തുടർ പ്രവർത്തനങ്ങൾ വേഗത്തിലാക്കണമെന്ന അഭിപ്രായമാണ്‌ ഉന്നയിച്ചത്‌. ഓഖി ദുരന്തത്തിൽ പെട്ടവരുടെ കുടുബാഗങ്ങൾക്കായി തിരുവനന്തപുരം ലത്തീൻ രൂപത രൂപികരിച്ച വരുമാനദായക പദ്ധതിയുടെയും ധനസഹായ പദ്ധതിയുടെയും ഉദ്‌ഘാടന വേദിയിലായിരുന്നു ആർച്ച്‌ ബിഷപ്പിന്റെ പരാമർശം.

അതുപോലെതന്നെ, ലത്തീൻ രൂപതയിലെ തമിഴ്‌നാട്‌ അതിർത്തിയിൽ നിന്ന്‌ നഷ്‌ടം ഉണ്ടായവരുടെ സങ്കടങ്ങളും നഷ്‌ട പരിഹാരവും ഉന്നയിച്ചാണ്‌ തമിഴ്‌നാട്‌ സർക്കാരുമായി ചർച്ച നടത്തിയത്‌. സംസ്‌ഥാന സർക്കാർ മത്സ്യ തൊഴിലാളികൾക്കായി നിരവധി കാര്യങ്ങൾ ചെയ്യുന്നുണ്ട്‌. എന്നാൽ, നൽകിയ വാഗ്‌ദാനങ്ങളെല്ലാം പൂർത്തീകരിക്കണമെന്നും ബിഷപ്‌ ആവശ്യപ്പെട്ടു.

പൊതുയോഗം ഫിഷറീസ്‌ മന്ത്രി മേഴ്‌സിക്കുട്ടിയമ്മ ഉദ്‌ഘാടനം ചെയ്‌തു. മത്‌സ്യ തൊഴിലാളികളുടെ മക്കൾക്കായി ഉടൻ വിദ്യാഭ്യാസ പാക്കേജ്‌ പ്രഖ്യാപിക്കുമെന്ന്‌ മന്ത്രി പറഞ്ഞു. ചടങ്ങിൽ പ്രോജക്‌ട്‌ കോ-ഓർഡിനേറ്റർ ഫാ. തിയോഡേഷ്യസ്‌, ടി.എസ്‌. എസ്‌.എസ്‌. ഫൊറോന കോ-ഓർഡിനേറ്റർ ഫാ. ജസ്റ്റിൻ ജൂഡിൻ, സാമൂഹ്യ ശുശ്രൂഷ ഡയറക്‌ടർ ഫാ. ലെനിൻ രാജ്‌, കോവളം ഫൊറോന പ്രസിഡന്റ്‌ ഫാ. ബിബിൻസൺ എന്നിവർ പ്രസംഗിച്ചു.

Show More

Leave a Reply

Your email address will not be published. Required fields are marked *

Related Articles

Back to top button
error: Content is protected !!
Close
Close

Adblock Detected

Please consider supporting us by disabling your ad blocker