Kerala

കടൽപ്പാട്ടുകളുമായി ശംഖുമുഖത്തെ ആവേശം കൊള്ളിച്ച് കടൽ മ്യൂസിക് ബാൻ്റ്

കടൽപ്പാട്ടുകളുമായി ശംഖുമുഖത്തെ ആവേശം കൊള്ളിച്ച് കടൽ മ്യൂസിക് ബാൻ്റ്

ഫാ.ദീപക് ആന്റോ

തിരുവനന്തപുരം: നഗരത്തിൽ നിന്നും ശംഖുമുഖം കാണാനെത്തിയവർക്ക് ആവേശമായി കടൽ എന്ന മ്യൂസിക് ബാൻ്റ് അവതരിപ്പിച്ച തീര പാട്ടുകൾ. വെട്ടുകാട്, കണ്ണാന്തുറ, പുതിയതുറ പ്രദേശങ്ങളിൽ
നിന്നുള്ള എട്ടു പേരടങ്ങുന്ന സംഘമാണ് തനതായ ശൈലിയിലുള്ള കടൽ പാട്ടുകൾ വാദ്യോപകരണങ്ങളുടെ അകമ്പടിയോടെ സംഗീതം
നൽകി ആലപിച്ചത്.

ഞായറാഴ്ച നടക്കുന്ന ലത്തീൻ കത്തോലിക്കാ സമുദായ സംഗമത്തോട് അനുബന്ധിച്ചാണ് കടൽപ്പാട്ടുകൾ ആലപിക്കപ്പെട്ടത്.

അതോടൊപ്പം തന്നെ പൂന്തുറ നിന്നു വന്ന പന്ത്രണ്ടു പേരടങ്ങുന്ന കരമടി സംഘം കമ്പവല കരയിലേക്ക് വലിച്ചു കയറ്റിയത് തീരത്തിന് ആവേശമായി. ഒപ്പം കൂടാൻ തിരുവനന്തപുരം നഗരവാസികളായ ശംഖുമുഖം കടൽ തീരം സന്ദർശിക്കാനെത്തിയ അനേകം സ്ത്രീപുരുഷന്മാരും കുട്ടികളും ഉണ്ടായിരുന്നു. ഏകദേശം ഒരു മണിക്കൂറിലേറെയെടുത്തു വല വലിച്ചുകയറ്റാൻ. എങ്കിലും, മത്സ്യത്തൊഴിലാളികളുടെ പണപ്പെട്ടിയുടെ അടയാളപ്പെടുത്തൽ പോലെ വലയിൽ ഏതാനും ചെറിയ മീനുകൾ മാത്രം.

ഈ മനുഷ്യരുടെ ഒരു ദിവസത്തെ അദ്ധ്വാനത്തെ അരമണിക്കൂറിൽ ഒരൽപമെങ്കിലും അനുഭവച്ചറിയാൻ കൂടി നിന്ന ഒരുപാട് പേർക്ക് സാധിച്ചു.

രാത്രി എട്ടരയോടുകൂടെ പായ പാത്രത്തിൽ തീരവിഭവങ്ങളും പങ്കുവച്ച് എല്ലാവരും മടങ്ങി.

Show More

Leave a Reply

Your email address will not be published. Required fields are marked *

Related Articles

Back to top button
error: Content is protected !!
Close
Close

Adblock Detected

Please consider supporting us by disabling your ad blocker