Kerala

കളിക്കളത്തില്‍ ആവേശമായി സഹായ മെത്രാന്‍

കളിക്കളത്തില്‍ ആവേശമായി സഹായ മെത്രാന്‍

അനിൽ ജോസഫ്

തിരുവനന്തപുരം: കാല്‍പന്തുകളിയില്‍ പുത്തന്‍ ആവേശമായി തിരുവനന്തപുരം ലത്തീന്‍ അതിരൂപതാ സഹായ മെത്രാന്‍ ഡോ.ആര്‍.ക്രിസ്തുദാസ്. സോമതീരം ലിഫ കപ്പിൽ കളേഴ്സ് ഇലവനുവേണ്ടിയാണ് ക്രിസ്തുദാസ് പിതാവ് ബൂട്ടണിഞ്ഞത്. എതിരാളികള്‍ തിരുവനന്തപുരം പ്രസ്ക്ലബായിരുന്നു.

കളേഴ്സിനുവേണ്ടി സഹായ മെത്രാനോടൊപ്പം തിരുവനന്തപുരം അതിരൂപതയിലെ വൈദികരാണ് കളിക്കളത്തില്‍ ഇറങ്ങിയത്. കളിക്കളത്തില്‍ നിറഞ്ഞ് റൈറ്റ് വിംഗ് ഫോര്‍വേര്‍ഡ് പൊസിഷനില്‍ ആദ്യഅവസാനം മിന്നിത്തിളങ്ങിയ ബിഷപ്പ് പാസുകളിലൂടെയും മുന്നേറ്റങ്ങളിലൂടെയും ശ്രദ്ധ നേടി.

അവേശം നിറഞ്ഞ മത്സരത്തില്‍ ആദ്യം വൈദികര്‍ ഗോള്‍ നേടിയെങ്കിലും പ്രസ് ക്ലബ് തിരിച്ചടിച്ച് സമനില നേടി, തുടര്‍ന്ന് പെനാല്‍റ്റിയില്‍ കലാശിച്ച മത്സരത്തില്‍ 5-3 എന്ന നിയില്‍ പ്രസ് ക്ലബ് വിജയികളായി.

ദേശീയ സംസ്ഥാന ഫുഡ്ബോളിന് മിന്നും താരങ്ങളെ സംഭാവന ചെയ്ത അടിമലത്തുറ ഗ്രാമത്തില്‍ കളിച്ചു വളര്‍ന്ന ക്രിസ്തുദാസ് പിതാവ് അടിമലത്തുറ ജൈ ക്രൈസ്റ്റ് ക്ലബിന്‍റെ മുന്‍നിര താരമായി തിളങ്ങിയിട്ടുണ്ട്.

Show More

Leave a Reply

Your email address will not be published. Required fields are marked *

Related Articles

Back to top button
Close