Vatican
കുടിയേറ്റക്കാര്‍ക്ക് വേണ്ടി ഫ്രാന്‍സിസ് പാപ്പയുടെ ദിവ്യബലി തിങ്കളാഴ്ച
കുടിയേറ്റക്കാര്‍ക്ക് വേണ്ടി ഫ്രാന്‍സിസ് പാപ്പയുടെ ദിവ്യബലി തിങ്കളാഴ്ച
സ്വന്തം ലേഖകന്‍
വത്തിക്കാന്‍ സിറ്റി: അഭയര്‍ത്ഥികള്‍ക്കും കുടിയേറ്റക്കാര്‍ക്കും വേണ്ടി ഫ്രാന്‍സിസ് പാപ്പയുടെ ദിവ്യബലി തിങ്കളാഴ്ച നടക്കും. സെന്‍റ് പീറ്റേഴ്സ് ബസലിക്കയിലാണ് പാപ്പ പ്രത്യേക ദിവ്യബലി അര്‍പ്പിക്കുന്നത്. ഇവര്‍ക്ക് വേണ്ടി പ്രാര്‍ത്ഥിക്കുന്നവരടക്കം 250 പേര്‍ ദിവ്യബലിയില്‍ പങ്കെടുക്കും.
കുടിയേറ്റക്കാരുടെ യൂറോപ്പിലേക്കുളള പ്രവേശനകവാടമായ ലാംപഡൂസ ദ്വീപില്‍ പാപ്പാ സന്ദര്‍ശനം നടത്തിയതിന്‍റെ 6- ാം വാര്‍ഷികത്തിലാണ് ഇവര്‍ക്കായുളള ദിവ്യബലി സമര്‍പ്പണം.
ഏഷ്യയിലെയും ആഫ്രിക്കയിലെയും യുദ്ധം തകര്‍ത്ത രാജ്യങ്ങളില്‍ നിന്ന് മെച്ചപെട്ട ജീവിതം സ്വപ്നം കണ്ട് പുറപ്പെടുന്നവര്‍ എത്തിച്ചേരുന്നത് ഇറ്റലിയിലെ ഈ ചെറു ദ്വീപിലാണ്. പരിമിതവും ഒട്ടും സുരക്ഷിതവുമല്ലാത്ത വളളങ്ങളില്‍ യാത്ര ചെയ്ത് പലരുടെയും ജീവന്‍ മെഡിറ്ററേനിയന്‍ കടലുകളില്‍ പൊലിഞ്ഞിട്ടുണ്ട്.
