Diocese

കെസിവൈഎം അഗ്രി ചലഞ്ച് പാറശാല ഫൊറോനയിലെ അബിയ വിജയി

കെസിവൈഎം അഗ്രി ചലഞ്ച് പാറശാല ഫൊറോനയിലെ അബിയ വിജയി

അനില്‍ ജോസഫ്

നെയ്യാറ്റിന്‍കര ; കോവിഡ്കാലത്ത് അതീജീവനത്തിന്‍റ നല്ല സന്ദേശം യുവജനങ്ങളിലേക്കെത്തിക്കുക എന്ന ലക്ഷ്യവുമായി നെയ്യാറ്റിന്‍കര രൂപതാ സമിതി സംഘടിപ്പിച്ച അഗ്രി ചലഞ്ചില്‍ പാറശാല ഫൊറോയിലെ പൊന്‍വിള ഇടവകാഗമായ അബിയ ഒന്നാം സ്ഥാനം കരസ്ഥമാക്കി.

യുവജനങ്ങളിലെ കാര്‍ഷിക അഭിരുജി മാറ്റുരക്കപെട്ട ചലഞ്ചില്‍ രൂപതയുടെ എല്ലാ ഫൊറോനകളില്‍ നിന്നും മത്സരാര്‍ത്ഥികള്‍ ഉണ്ടായിരുന്നു. കോവിഡ് കാലത്ത് യുവജനങ്ങളില്‍ കാര്‍ഷികാവബോധം വളര്‍ത്തുക,വിഷരഹിത പച്ചക്കറികള്‍ ഉല്‍പ്പാദിപ്പിക്കുക, സ്വയംപര്യാപ്ത കുടുംബങ്ങള്‍ സൃഷ്ടിക്കുക എന്നീ ലക്ഷ്യങ്ങളോടെ സംഘടിപ്പിച്ച അഗ്രി ചാലഞ്ചില്‍ 836 യുവജനങ്ങള്‍ പങ്കെടുത്തു.

ഫൈനല്‍ റൗണ്ടില്‍ എത്തിയ 120 യുവജനങ്ങളുടെ വീടുകളില്‍ കൃഷി വിദഗ്ധരായ വിധികര്‍ത്താക്കളുടെ സഹായത്തോടെ രൂപത ഡയറക്ടറും രൂപത സമിതി അംഗങ്ങളും സന്ദര്‍ശിക്കുകയും മൂല്യനിര്‍ണയം നടത്തി വിജയികളെ കണ്ടെത്തുകയുമായിരുന്നു.

രൂപതയുടെ യൂവജന കമ്മിഷന്‍ ഡയറക്ടര്‍ ഫാ. റോബിന്‍ സി പീറ്ററിന്‍റെ ദീര്‍ഘവീക്ഷണത്തില്‍ രൂപപെട്ട പരിപാടി യുവജനങ്ങളാകമാനം ഏറ്റെുക്കുകയായിരുന്നു. രൂപത കെസിവൈഎം പ്രസിഡന്‍റ് ജോജി ടെന്നിസനും രൂപതാ സമിതിയും ഡയറക്ടര്‍ക്കൊപ്പം കൈകോര്‍ത്തു .

ആര്യനാട് ഫൊറോന കെ സി വൈ എം പ്രസിഡന്‍റും കൊണ്ണിയൂര്‍ ഇടവകാംഗവുമായ റിജു, ഉണ്ടന്‍കോട് ഫൊറോന കെ സി വൈ എം സെക്രട്ടറിയും കൈവന്‍കാല ഇടവകാംഗവുമായ ജോഗേഷ് എന്നിവര്‍ യഥാക്രമം  രണ്ടും മൂന്നും സ്ഥാനങ്ങള്‍ കരസ്ഥമാക്കി.ഏറ്റവും കൂടുതല്‍ യുവജനങ്ങള്‍ അഗ്രി ചലഞ്ചില്‍ പങ്കെടുത്തത് നെയ്യാറ്റിന്‍കര ഫൊറോനയില്‍ നിന്നാണ്.

മന്ത്രി വി എസ് സുനില്‍ കുമാറാണ് അഗ്രിചലഞ്ചിന്‍റെ ലോഗോ പ്രകാശനം ചെയ്യ്ത് സംരഭത്തിന് തുടക്കം കുറിച്ചത്.

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker