Kerala

കെ.സി.വൈ.എം. സമാധാന സന്ദേശ യാത്രക്ക് കന്യാകുമാരിയില്‍ സമാപനം

കെ.സി.വൈ.എം. സമാധാന സന്ദേശ യാത്രക്ക് കന്യാകുമാരിയില്‍ സമാപനം

അനിൽ ജോസഫ്

നാഗര്‍കോവില്‍: കെ.സി.വൈ.എം. സംസ്ഥാന സമിതി കാസര്‍കോട് നിന്നാരംഭിച്ച സമാധാന സന്ദേശ യാത്രക്ക് കന്യാകുമാരിയില്‍ സമാപനമായി. കേരളത്തിലെ 32 രൂപതകളിലൂടെ സഞ്ചരിച്ച യാത്ര അവസന ദിനങ്ങളില്‍ തെക്കന്‍ പ്രദേശത്തെ രൂപതകളായ തിരുവന്തപുരം, നെയ്യാറ്റിന്‍കര, പാറശാല രൂപതകളിലൂടെയും, തമിഴ്നാട്ടിലെ മാര്‍ത്താണ്ടം, കോട്ടാര്‍ രൂപതകളിലൂടെയുമാണ് കന്യാകുമാരിയില്‍ എത്തിച്ചേര്‍ന്നത്.

കോട്ടാര്‍ രൂപത ആര്‍ച്ച് ബിഷപ്പും, സി.ബി.സി.ഐ. യുവജന കമ്മിഷന്‍ ചെയര്‍മാനുമായ ആര്‍ച്ച് ബിഷപ് നസ്റയന്‍ സൂസൈ ജാഥാംഗങ്ങളെ അനുമോദിച്ചു. മതങ്ങളുടെ പേരിലുളള അക്രമങ്ങള്‍ക്കെതിരെയും, തീവ്രവാദത്തിനെതിരെയുമാണ് സമാധാന സന്ദേശ യാത്ര സംഘടിപ്പിച്ചത്.

കെ.സി.വൈ.എം. സംസ്ഥാന പ്രസിഡന്‍റ് സിറിയക് ചാഴിക്കാടന്‍റെ നേതൃത്വത്തില്‍ കഴിഞ്ഞ 9-നാണ് യാത്ര ആരംഭിച്ചത്. കന്യാകുമാരി സ്വമി വിവേകാനന്ദ പാറക്ക് സമീപമുളള ഗാന്ധി സമാധിയില്‍ സംഘടിപ്പിച്ച സമാപന സമ്മേളനം സെന്‍റ് പോള്‍സ് സിവില്‍ സര്‍വ്വീസ് ഡയറക്ടര്‍ ഫാ.ആന്‍റണി ഉദ്ഘാടനം ചെയ്തു. കെ.സി.വൈ.എം. സംസ്ഥാന ഡയറക്ടര്‍ ഫാ.സ്റ്റീഫന്‍ തോമസ്, ജനറല്‍ സെക്രട്ടറി ബിജോ പി., വൈസ് പ്രസിഡന്‍റ്മാരായ ജോസ് റാല്‍ഫ്, ഡെലിന്‍ ഡേവിഡ് തുടങ്ങിയവര്‍ പ്രസംഗിച്ചു. സമാധാന പ്രതിജ്ഞ ചൊല്ലിയാണ് സമാധാന സന്ദേശ യാത്ര സമാപിച്ചത്.

Show More

Leave a Reply

Your email address will not be published. Required fields are marked *

Related Articles

Back to top button
error: Content is protected !!
Close
Close

Adblock Detected

Please consider supporting us by disabling your ad blocker