Kerala

കൊച്ചിരൂപത സ്വരൂപിച്ച തുക മുഖ്യമന്ത്രിയുടെ ദുരിതാശ്വാസ നിധിയിലേയ്ക്കും കാരിത്താസ് ഇന്ത്യയിലേയ്ക്കുമായി നൽകും

കൊച്ചിരൂപത സ്വരൂപിച്ച തുക മുഖ്യമന്ത്രിയുടെ ദുരിതാശ്വാസ നിധിയിലേയ്ക്കും കാരിത്താസ് ഇന്ത്യയിലേയ്ക്കുമായി നൽകും

സ്വന്തം ലേഖകൻ

കൊച്ചി: പ്രളയ ബാധിതർക്കായുള്ള ദുരിതാശ്വാസ പ്രവർത്തനങ്ങൾക്കായി കൊച്ചി രൂപതയുടെ 46 ഇടവകകളിൽ നിന്നുമായി 63,63,235 രൂപ സ്വരൂപിച്ചു. വിശ്വാസികളിൽ നിന്നും ശേഖരിച്ച തുകയിൽ 53,63,235 രൂപ മുഖ്യമന്ത്രിയുടെ ദുരിതാശ്വാസ സഹായ നിധിയിലേക്കും, 10 ലക്ഷം രൂപ കത്തോലിക്കാ സഭയുടെ ദീന സഹായ പ്രവർത്തനങ്ങൾ നടത്തുന്ന കാരിത്താസ് ഇന്ത്യയിലേക്കും നൽകുന്നതായിരിക്കും.

മുഖ്യമന്ത്രിയുടെ അഭാവത്തിൽ ദുരിതാശ്വാസ പ്രവർത്തനങ്ങൾക്കായി ശേഖരിച്ച തുക വ്യവസായ മന്ത്രി ഇ.പി. ജയരാജനെ ഏൽപ്പിക്കുവാൻ തീരുമാനിച്ചു.

കഴിഞ്ഞ ഞായറാഴ്ച ചെല്ലാനത്ത് മത്സ്യത്തൊഴിലാളികളെ ആദരിക്കുന്ന ചടങ്ങിൽ 53 ലക്ഷം രൂപ മുഖ്യമന്ത്രിയുടെ സഹായനിധിയിലേക്ക് കൈമാറുമെന്ന് ഡോ. ജോസഫ് കരിയിൽ പ്രഖ്യാപിച്ചിരുന്നു. മന്ത്രിയെ ക്ഷണിക്കുവാനായി കൊച്ചി എം.എൽ.എ.
കെ.ജെ. മാക്സിയെ കഴിഞ്ഞ ഞായറാഴ്ച തന്നെ കൊച്ചി രൂപതാ കാര്യാലയത്തിൽ നിന്നും ചുമതലപ്പെടുത്തിയിരുന്നു. മന്ത്രിയുടെ സൗകര്യാർത്ഥം ആൽഫ പാസ്റ്റർ സെൻററിൽ സംഘടിപ്പിക്കുന്ന ചടങ്ങിൽവച്ച് തുക മന്ത്രിക്ക് കൈമാറുമെന്ന് രൂപത കാരിയാലയം അറിയിച്ചു.

ദുരിതാശ്വാസ പ്രവർത്തനങ്ങൾക്കായി ഓരോ ഇടവകയിൽ നിന്നും നൽകിയ സഹായത്തിന് കൊച്ചി രൂപത മെത്രാൻ ഡോ ജോസഫ് കരിയിൽ നന്ദി അറിയിച്ചു ഓരോ ഇടവകയിൽ നിന്നും ശേഖരിച്ച തുകയുടെ കണക്ക് വിശദമായി അടുത്ത ഞായറാഴ്ച ദിവ്യബലിമധ്യേ ഇടവകകളിൽ വായിക്കേണ്ടതാണെന്നും രൂപതാ കാര്യാലയത്തിൽ നിന്നും അറിയിച്ചു.

Show More

Leave a Reply

Your email address will not be published. Required fields are marked *

Related Articles

Back to top button
error: Content is protected !!
Close
Close

Adblock Detected

Please consider supporting us by disabling your ad blocker