Kerala

കോട്ടപ്പുറം രൂപതയിൽ അന്താരാഷ്ട്ര വനിതാ ദിനാഘോഷം നടത്തി

കോട്ടപ്പുറം ഇന്റെഗ്രെറ്റ് ഡെവലപ്മെന്റ് സൊസൈറ്റിയുടെ (കിഡ്സ്) നേതൃത്വത്തിൽ...

ഫാ.പോൾ തോമസ്

കോട്ടപ്പുറം: കോട്ടപ്പുറം രൂപതയിൽ കോട്ടപ്പുറം ഇന്റെഗ്രെറ്റ് ഡെവലപ്മെന്റ് സൊസൈറ്റിയുടെ (കിഡ്സ്) നേതൃത്വത്തിൽ അന്താരാഷ്ട്ര വനിതാ ദിനാഘോഷം നടത്തി. ശനിയാഴ്ച രാവിലെ 9.30-ന് കോട്ടപ്പുറം സെന്റ് മൈക്കിൾസ് കത്തീഡ്രൽ വചനകൂടാരത്തിൽ വച്ചായിരുന്നു പരിപാടി സംഘടിപ്പിച്ചത്. വനിതാഘോഷം പരിപാടിയുടെ ഉദ്ഘാടനം ചലച്ചിത്രതാരം അഞ്ജലി നായർ നിർവഹിച്ചു. മൂവായിരത്തോളം സ്ത്രീകൾകൾ വനിതാ ദിനാഘോഷ പരിപാടിയിൽ പങ്കെടുത്തു.

കോട്ടപ്പുറം രൂപത ബിഷപ്പ് ഡോ.ജോസഫ് കാരിക്കശേരി അധ്യക്ഷനായിരുന്ന യോഗത്തിൽ കാരിത്താസ് ഇന്ത്യ ഡയറക്ടർ ഫാ.പോൾ മൂഞ്ഞേലി, കെ.എസ്.എസ്.എഫ്. ഡയറക്ടർ ഫാ.ജോർജ് വെട്ടിക്കാട്ടിൽ, സ്കിപ് ജനറൽ സെക്രട്ടറി ഡോ.സ്റ്റാൻലി ജോസഫ്, ഹാബിറ്റാറ്റ് ഫോർ ഹ്യുമാനിറ്റി ഇന്ത്യ ശ്രീ.പ്രവീൺ കെ.പോൾ, ശ്രീ.ജോർജ് കുര്യൻ, കെ.എസ്.ബി.സി.ഡി.സി. ഇ.ജി.എം. ശ്രീ.പി.എൻ.വേണുഗോപാൽ, ഫാ.പ്രസാദ് കണ്ടത്തിപറമ്പിൽ (കെ.എൽ.എം. സ്റ്റേറ്റ് സെക്രട്ടറി), പി.ജെ.തോമസ് (കെ.ആർ.എൽ.സി.സി. സംസ്ഥാന രാഷ്ട്രീയകാര്യ സമിതി അംഗം), ശ്രീമതി ശോഭാ ജോസ് (കാരിത്താസ് ഇന്ത്യ), ശ്രീ.സുരേഷ് കുമാർ (മാനേജർ എൽ.ഐ.സി.), അഡ്വ.റാഫേൽ ആന്റണി, മോൺ.ആന്റണി കുരിശിങ്കൽ (വികാർ ജനറൽ, കോട്ടപ്പുറം രൂപത), റവ.ഡോ. അംബ്രസ് പുത്തൻവീട്ടിൽ (വികാരി, കത്തീഡ്രൽ), ശ്രീ.ജിതിൻ ഡോൺബോസ്കോ (കെ.എൽ.എം.), ശ്രീ അനീഷ് റാഫേൽ (പ്രസിഡന്റ്, കെ.സി.വൈ.എം.), ശ്രീ.വിമൽകുമാർ (ഡെപ്യൂട്ടി സോണൽ മാനേജർ, ബാങ്ക് ഓഫ് ഇന്ത്യ, കേരള), ശ്രീ.ജിനോ കെ.ജോസഫ് (ഡി.ജെ. ആർട്ടിസ്റ്റ്), ഫാ.പോൾ തോമസ് കളത്തിൽ (കിഡ്സ് ഡയറക്ടർ), ഫാ.ക്ലീറ്റസ് കോച്ചിക്കാട്ട് (അസി.ഡയറക്ടർ, കിഡ്സ്), ഫാ.ജോസ് ഒളാട്ടുപുരത്ത് (അസി.ഡയറക്ടർ, കിഡ്സ്) തുടങ്ങിയവർ സന്നിഹിതരായിരുന്നു.

പരിപാടിയിൽ വച്ച്, തൃശ്ശൂർ പ്രമോഷൻ ഓഫീസർ മിസ്.കാതറിൻ ജോസ് ‘ആർട്ടിസാൻ ഐഡി കാർഡ്’ വിതരണം നടത്തി. സമ്മേളനത്തിനുശേഷം എസ്.എച്ച്.ജി. അംഗങ്ങളുടെയും, ഡി.ജെ ആർട്ടിസ്റ്റ് ശ്രീ.ജിനോ കെ.ജോസഫിന്റെയും കലാപരിപാടികൾ ഉണ്ടായിരുന്നു.

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker