Kerala

ചവിട്ടു നാടക സമിതികള്‍ക്ക് കൈത്താങ്ങായി ഗോതുരുത്തില്‍ ഒരേ നാള്‍ 6 നാടകങ്ങള്‍ അരങ്ങില്‍

ചവിട്ടു നാടക സമിതികള്‍ക്ക് കൈത്താങ്ങായി ഗോതുരുത്തില്‍ ഒരേ നാള്‍ 6 നാടകങ്ങള്‍ അരങ്ങില്‍

സ്വന്തം ലേഖകന്‍

കൊച്ചി: ചവിട്ട് നാടകങ്ങളുടെ ഈറ്റില്ലമെന്നറിയപ്പെടുന്ന ഗോതുരുത്തില്‍ 6 നാടകങ്ങള്‍ ഒരേ ദിവസം അരങ്ങിലെത്തിയത് കൗതുകമായി. പ്രളയത്തിലൂടെ കിരീടങ്ങളും ആടയാഭരണങ്ങളും ചെങ്കോലുമെല്ലാം നഷ്ടപെട്ട കലാകാരന്‍മാരുടെ ഉയര്‍ത്തെഴുന്നേല്‍പ്പിനായിക്കൂടിയാണ് പരിപാടി സംഘടിപ്പിക്കപ്പെട്ടത്.

സംഗീത – നാടക അക്കാദമി പശ്ചിമ മേഖല (മുംബൈ) യുടെ സാമ്പത്തിക സഹായത്തോടെയാണ് പരിപാടി സംഘടിപ്പിച്ചത്. ഇവര്‍ സ്വരൂപിച്ച 12 ലക്ഷം രൂപ കഷ്ടത്തിലായ കലാകാരന്‍മാര്‍ക്ക് കൈമാറി.

ആശാന്‍ റാഫേല്‍ ചിറയത്തിത്തിന്‍റെ നവരത്ന കലാ-സാംസ്കാരിക വേദി തുരിത്തിപ്പുറം അവതരിപ്പിച്ച ‘ഇസ്താക്കി’; ആശാന്‍ എ.എന്‍ അനിരുദ്ധന്‍റെ ‘സെബീന റാഫി’; ഫോക്ലേര്‍ സെന്‍റര്‍ ഗോതുരുത്തിന്‍റെ ‘കര്‍ണ്ണകിയും കനകചിലമ്പും’; ആശാന്‍മാരായ ജോസഫ്, സലിം, തമ്പി പയ്യിപളളി എന്നിവരുടെ ‘കേരള ചവിട്ടുനാടക അക്കാദമി’; യുവജന ചവിട്ടു നാടക കലാസമിതി എന്നിവരുടെ ‘കാറല്‍സ്മാന്‍ ചരിതത്തിലെ വിവിധ രംഗങ്ങള്‍’; ആശാന്‍ റോയി ജോര്‍ജ്ജ്കുട്ടിയുടെ ‘വിശുദ്ധ സെബസ്ത്യാനോസ്’; ആശാന്‍ ജയ്സണ്‍ ജേക്കബിന്‍റെ ‘നസ്രായന്‍’ തുടങ്ങിയ നാടകങ്ങളാണ് അരങ്ങിലെത്തിയത്.

നാഷണല്‍ സെന്‍റര്‍ ഫോര്‍ പെര്‍ഫോമിംഗ് ആര്‍ട്ട്സ് ഡയറക്ടര്‍ പ്രശാന്ത് കാര്‍ക്കരെ പരിപാടി ഉദ്ഘാടനം ചെയ്തു. ബിഷപ് ഡോ.ജോസഫ് കാരിക്കശ്ശേരി, എഴുത്തുകാരന്‍ എന്‍.എസ്. മാധവന്‍ തുടങ്ങിയവര്‍ പങ്കെടുത്തു.

Show More

Leave a Reply

Your email address will not be published. Required fields are marked *

Related Articles

Back to top button
error: Content is protected !!
Close
Close

Adblock Detected

Please consider supporting us by disabling your ad blocker