Diocese

തച്ചൻകോട് വിശുദ്ധ യോവാക്കിം ഇടവക തിരുനാൾ ആരംഭിച്ചു

28 ഞായറാഴ്ച തിരുനാൾ സമാപനം

സ്വന്തം ലേഖകൻ

തച്ചൻകോട്: തച്ചൻകോട് വിശുദ്ധ യോവാക്കിം ദേവാലയത്തിലെ ഈ വർഷത്തെ ഇടവക തിരുനാളിന് തുടക്കമായി. ഇടവക വികാരി ഫാ.ക്ളീറ്റസ് റ്റി. തിരുനാൾ പതാകയുയർത്തി ആരംഭം കുറിച്ച തിരുനാൾ 28 ഞായറാഴ്ച്ചയാണ് അവസാനിക്കുന്നത്. തിരുനാൾ ആരംഭ ദിവ്യബലിക്ക് ആര്യനാട് ഫെറോന വികാരി ഫാ.ജോസഫ് അഗസ്ത്യൻ മുഖ്യകാർമ്മികനായിരുന്നു, ഇടവക വികാരി ഫാ.ക്ളീറ്റസും, സഹവികാരി ഫാ.ഷിബിൻ വർഗ്ഗീസ് കപ്പൂച്ചിനും സഹകാർമ്മികരായി.

തിരുനാളിന്റെ ആദ്യദിനം സംഘടിപ്പിച്ച മതബോധന വാർഷികത്തോടനുബന്ധിച്ച് ഇടവകയിൽ ഇക്കഴിഞ്ഞ എസ്.എസ്.എൽ.സി., പ്ലസ് ടു എന്നിവയിൽ ഉന്നത വിജയം നേടിയ കുട്ടികളെ ആദരിച്ചു. കൂടാതെ, സിനിമ നിരൂപണത്തിന് പ്രത്യേക ജൂറിയുടെ അവാർഡിന് അർഹനായ ഫാ.സുനിൽ കപ്പൂച്ചിനെയും ആദരിച്ചു.

ഇടവക തിരുനാളിന്റെ ഭാഗമായിട്ട് 23 മുതൽ ജീവിത നവീകരണധ്യാനം ക്രമീകരിച്ചിട്ടുണ്ട്. മംഗലയ്ക്കൽ ഡിവൈൻ മേഴ്‌സി ധ്യാനകേന്ദ്രത്തിലെ ഫാ.മാനുവൽ കരിപ്പോട്ടും സംഘവുമാണ് ജീവിത നവീകരണധ്യാനം നയിക്കുന്നത്.

തിരുനാൾ ദിനങ്ങളിൽ എല്ലാദിവസവും നാലുമണിക്ക് ബൈബിൾ പാരായണം, ജപമാല, ലിറ്റനി എന്നിവയും ക്രമീകരിച്ചിട്ടുണ്ട്.

27 ശനിയാഴ്ച ആഘോഷമായ സമൂഹബലിയ്ക്ക് ചാങ്ങ ഇടവകവികാരി ഫാ.അനീഷ് നേതൃത്വം നൽകും. തുടർന്ന് ഭക്തിസാന്ദ്രമായ ദിവ്യകാരുണ്യ പ്രതിക്ഷണം.

തിരുനാളിന്റെ അവസാന ദിനമായ 28 ഞായറാഴ്ച തിരുനാൾ സമൂഹബലിയ്ക്ക് മുഖ്യകാർമ്മികൻ നെയ്യാറ്റിൻകര രൂപത വികാരി ജനറൽ മോൺ.ജി.ക്രിസ്തുദാസും, വചനപ്രഘോഷണം ഉണ്ടൻകോട് ഫെറോന വികാരി ഫാ.ക്രിസ്തുദാസ് എം.കെ.

തുടർന്ന്, തിരുനാൾ പതാകയിറക്കൽ, സ്നേഹവിരുന്നോടു കൂടി ഈ വർഷത്തെ ഇടവക തിരുനാളിന് സമാപനമാകും.

Show More

Leave a Reply

Your email address will not be published. Required fields are marked *

Related Articles

Back to top button
error: Content is protected !!
Close
Close

Adblock Detected

Please consider supporting us by disabling your ad blocker