World

ദൈവത്തെ ഉപേക്ഷിച്ച് സംസ്കാരവുമായി പൊരുത്തപ്പെടുന്നതിലൂടെയാണ് സഭാ പ്രതിസന്ധി ഉണ്ടാകുന്നത്; കർദിനാൾ മുള്ളർ

ഒരു കൂട്ടം ആളുകൾ കൂദാശകളും, വിശ്വാസ സത്യ പഠനങ്ങളും, തെറ്റാവരസഭാ നേതൃത്വവും ഇല്ലാത്ത ഒരു സഭയെ ആഗ്രഹിക്കുന്നു...

ഷെറിൻ ഡൊമിനിക്ക്

ഫീനെക്സ്: ദൈവത്തെ ഉപേക്ഷിച്ച് സംസ്കാരവുമായി പൊരുത്തപ്പെടുന്നതിലൂടെയാണ് സഭാ പ്രതിസന്ധി ഉണ്ടാകുന്നതെന്ന് കർദിനാൾ ഗെഹാർഡ് മുള്ളർ. ഇന്ന് കത്തോലിക്കാസഭ നേരിടുന്ന പ്രതിസന്ധിയെ വിലയിരുത്തി ‘കോൺഗ്രിഗേഷൻ ഫോർ ദി ഡോക്ട്രിൻ ഓഫ് ഫെയ്ത്’ മുൻ പ്രീഫെക്ട്, കാർഡിനൽ മുള്ളർ നടത്തിയ പരാമർശം ആഗോളശ്രദ്ധ നേടിയിരിക്കുകയാണ്. ഫീനെക്സിൽ ഫെല്ലോഷിപ്പ് ഓഫ് കാത്തലിക് യൂണിവേഴ്സിറ്റി സ്റ്റുഡൻസ് വിളിച്ചുകൂട്ടിയ “2020 സ്റ്റുഡന്റ് ലീഡർഷിപ്പ് സമ്മിറ്റിൽ” സംസാരിക്കുകയായിരുന്നു അദ്ദേഹം.

സ്വസംസ്കാരങ്ങളുമായി ഇഴുകിച്ചേരാനും വിശ്വാസസത്യങ്ങളെ ഉപേക്ഷിക്കാനും ഇളംതലമുറയിലെ വിശ്വാസ സമൂഹവും സഭയ്ക്കുള്ളിലെ ചിലർപോലും ബോധപൂർവം നടത്തുന്ന ശ്രമത്തിന്റെ ഫലമാണ് ഇത്തരമൊരു പ്രതിസന്ധി സഭയിൽഉടലെടുക്കുന്നതിന് കാരണമെന്ന് കാർഡിനൽ മുള്ളർ കുറ്റപ്പെടുത്തി.

കൂടാതെ, ദൈവകല്പനകളെ ആപേക്ഷികം ആക്കണമെന്നും, വെളിപ്പെടുത്തപ്പെട്ട വിശ്വാസസത്യങ്ങളെ പുനർവ്യാഖ്യാനം ചെയ്യണമെന്നും, യുഗത്തിന്റെ ആത്മാവായ സൈറ്റ്ഗായിസ്റ്റുമായി (Zeitgeist) പൊരുത്തപ്പെടണമെന്നും പറയുന്ന പുരോഗമന അഭിപ്രായം സഭയെ തളർത്തുന്ന വിഷമാണ് എന്ന് അദ്ദേഹം തുറന്നടിച്ചു. ഒരു കൂട്ടം ആളുകൾ കൂദാശകളും, വിശ്വാസ സത്യ പഠനങ്ങളും, തെറ്റാവര സഭാ നേതൃത്വവും (Infallible Magistarium) ഇല്ലാത്ത ഒരു സഭയെ ആഗ്രഹിക്കുന്നുവെന്നും, അതിനായി പരിശ്രമിക്കുന്നു എന്നും അദ്ദേഹം മുന്നറിയിപ്പു നൽകി.

“നസറായനായ യേശു എന്ന പൂർണ്ണനായ മനുഷ്യനിൽ, ദൈവത്തിന്റെ സാർവത്രികസത്യം സംഷിപ്തമായി ഇവിടെ-ഇപ്പോഴും സന്നിഹിതമാണ്, അതായത് ചരിത്രപരമായ സമയത്തിലും-സ്ഥലത്തും”. അതിനാൽതന്നെ, “യേശുക്രിസ്തു ഏതെങ്കിലും ചില പരമോന്നത സത്യത്തിന്റെ പ്രതിനിധാനമല്ല; മറിച്ച് അവൻ ‘വഴിയും, സത്യവും, ജീവനുമാണ്’ കർദിനാൾ മുള്ളർ വ്യക്തമാക്കി.

ഫെല്ലോഷിപ്പ് ഓഫ് കാത്തലിക് യൂണിവേഴ്സിറ്റി സ്റ്റുഡൻസ് (FOCUS) ആണ് ആയിരങ്ങൾ ഒരുമിച്ചു കൂടിയ ഈ കൂട്ടായ്മയ്ക്ക് ആതിഥേയത്വം വഹിച്ചത്.

Show More

2 Comments

  1. Cardinal Muller has misunderstood Pope Francis. It is high time the old Theological fantasies and follies must be replaced with practical religious faiths with reason. The world has changed with social media’s where the youth are for practical faith.

    1. If then how do u explain Islam religion ? Do you think only Christianity is affected by modern advents and need to go for compromise for its existence?
      I would say ur reading is really foolishness… sorry to say

Leave a Reply

Your email address will not be published. Required fields are marked *

Related Articles

Back to top button
error: Content is protected !!
Close
Close

Adblock Detected

Please consider supporting us by disabling your ad blocker