നെയ്യാറ്റിന്‍കര ബിഷപ്പ്‌ ഡോ.വിന്‍സെന്റ്‌ സാമുവലിന്റെ സഹോദരന്‍ എസ്.അഗസ്റ്റിന്‍ നിര്യാതനായി

അനില്‍ജോസഫ്

നെയ്യാറ്റിന്‍കര: നെയ്യാറ്റിന്‍കര ലത്തീന്‍ രൂപത ബിഷപ്പ്‌ ഡോ.വിന്‍സെന്‍റ് സാമുവലിന്റെ ജേഷ്ഠസഹോദരൻ ആറയൂര്‍, ഈന്തിക്കാല, കാര്‍മ്മല്‍ഗിരിയില്‍ എസ്.അഗസ്റ്റിന്‍ നിര്യാതനായി (75) വയസായിരുന്നു.

വാര്‍ദ്ധക്യ സഹജമായ അസുഖങ്ങള്‍ മൂലം ചികിത്സയിലായിരുന്നു.

സംസ്കാര ചടങ്ങുകള്‍ നാളെ (30.11.2020) രാവിലെ 10.30 ന് ഇടവക പളളിയായ ആറയൂര്‍ വിശുദ്ധ എലിസബത്ത് ദേവാലയത്തില്‍ ബിഷപ്പ്‌ ഡോ. വിന്‍സെന്‍റ് സാമുവലിന്‍റെ നേതൃത്വത്തില്‍ നടക്കും.

രാവിലെ 9.30 മുതല്‍ ദേവാലയത്തില്‍ ഭൗതീക ശരീരം പൊതുദര്‍ശനത്തിന് വയ്ക്കും.

തിരുവനന്തപുരം ജില്ലയില്‍ റവന്യൂ ഡിപ്പാര്‍ട്ട്മെന്റിന്റെ വിവിധ ഓഫിസുകളില്‍ ദീര്‍ഘകാലം ജോലി നോക്കിയിരുന്നു. ഭാര്യ പരേതയായ മേരി സരോജം.

സംസ്ക്കാര ചടങ്ങുകള്‍ നാളെ രാവിലെ 10 മണി മുതല്‍ കാത്തലിക് വോക്സില്‍ തത്സമയം ലഭിക്കും