Vatican

നോട്രഡാം കത്തീഡ്രല്‍ അഗ്നിബാധ; ഫ്രാൻസിസ് പാപ്പായ്ക്ക് ട്രംപിന്റെ ഫോൺ കാൾ

ബുധനാഴ്ചയാണ് അദ്ദേഹം ഫോണില്‍ വിളിച്ച് തന്റെയും അമേരിക്കന്‍ ജനതയുടെയും സാമീപ്യം പാപ്പായെ അറിയിച്ചത്

ജോയി കരിവേലി

വത്തിക്കാന്‍ സിറ്റി: ഫ്രാന്‍സിലെ പാരീസ് നഗരത്തിലെ വിശ്വവിഖ്യാതമായ നോട്രഡാം കത്തീഡ്രല്‍ ദേവാലയത്തിലുണ്ടായ അഗ്നിബാധയില്‍ അമേരിക്കന്‍ ഐക്യനാടുകളുടെ പ്രസിഡന്റ് ഡൊണാള്‍ഡ് ട്രംപ് ഫ്രാന്‍സീസ് പാപ്പായെ വിളിച്ച് തന്റെ ദു:ഖം അറിയിച്ചു. ബുധനാഴ്ചയാണ് അദ്ദേഹം ഫോണില്‍ വിളിച്ച് തന്റെയും അമേരിക്കന്‍ ജനതയുടെയും സാമീപ്യം പാപ്പായെ അറിയിച്ചത് എന്ന് വത്തിക്കാൻ വാര്‍ത്താവിനിമയ കാര്യാലയത്തിന്റെ ഇടക്കാല മേധാവി അലെസ്സാന്ത്രൊ ജിസോത്തി ട്വിറ്ററിലൂടെ അറിയിച്ചു.

അറ്റകുറ്റപ്പണികള്‍ നടന്നുവരികയായിരുന്ന നോട്രഡാം കത്തീഡ്രല്‍ ദേവാലയത്തിന് തിങ്കളാഴ്ച വൈകുന്നേരമാണ് തീപിടിച്ച് വലിയ തോതിലുള്ള കേടുപാടുകൾ സംഭവിച്ചത്.

നോട്രഡാം കത്തീഡ്രലിന്റെ പുന:ര്‍നിര്‍മ്മാണത്തിന് വന്‍ കമ്പനികളും വ്യവസായപ്രമുഖരും മറ്റും സംഭാവനകള്‍ വാഗ്ദാനം ചെയ്തിട്ടുണ്ട്. ഈ സംഭാവന ഇപ്പോൾ തന്നെ നൂറുകോടിയോളം യൂറോ, അതായത് ഏകദേശം 800 കോടി രൂപ കവിഞ്ഞിട്ടുണ്ട്.

നോട്രഡാം കത്തീഡ്രലിന്റെ പുന:ര്‍നിര്‍മ്മാണം 5 വര്‍ഷത്തിനുള്ളില്‍, അതായത്, 2024-ലെ പാരീസ് ഒളിമ്പിക് മാമങ്കത്തിനു മുമ്പ് പൂര്‍ത്തിയാക്കാന്‍ കഴിയുമെന്നാണ് ഫ്രാന്‍സ് പ്രസിഡന്റ് ഇമ്മാനുവേല്‍ മക്രോണ്‍ കരുതുന്നത്.

Show More

Leave a Reply

Your email address will not be published. Required fields are marked *

Related Articles

Back to top button
error: Content is protected !!
Close