Diocese

പത്താംങ്കല്ല്‌ ദേവാലയത്തിൽ ജീവിത നവീകരണ ധ്യാനത്തിന്‌ തുടക്കം – തിരുനാൾ 4 മുതൽ

പത്താംങ്കല്ല്‌ ദേവാലയത്തിൽ ജീവിത നവീകരണ ധ്യാനത്തിന്‌ തുടക്കം - തിരുനാൾ 4 മുതൽ

സ്വന്തം ലേഖകൻ

നെയ്യാറ്റിൻകര: പത്താങ്കല്ല്‌ തിരുഹൃദയ ദേവാലയത്തിലെ തിരുനാളിന്‌ മുന്നോടിയായി നടക്കുന്ന ജീവിത നവീകരണ ധ്യാനത്തിന്‌ തുടക്കമായി. ജൂൺ 3 വരെ തുടരുന്ന ധ്യാനത്തിന്‌ ചാലക്കുടി ഡിവൈൻ ധ്യാനകേന്ദ്രത്തിലെ ഫാ. ആന്റണി പയ്യപ്പിളളിയും സംഘവും നേതൃത്വം നൽകും.

ജീവിത നവീകരണ ധ്യാനത്തിന്റെ ഉദ്‌ഘാടനം വികാരി ജനറൽ മോൺ. ജി. ക്രിസ്‌തുദാസ്‌ നിർവ്വഹിച്ചു.

ജൂൺ 4-ന്‌ വൈകിട്ട്‌ 6.30-ന്‌ ഇടവക വികാരി ഫാ.റോബിൻ സി. പീറ്റർ കൊടിയേറ്റ്‌ കർമ്മം നിർവ്വഹിക്കും. തുടർന്ന്‌ രൂപതാ ബിഷപ്‌ ഡോ. വിൻസെന്റ്‌ സാമുവലിന്റെ മുഖ്യ കാർമ്മികത്വത്തിൽ പൊന്തിഫിക്കൽ ദിവ്യബലി.

ജൂൺ 4-ന്‌ രാത്രി 9 മുതൽ ക്രിസ്‌ത്യൻ മ്യൂസിക്കൽ ഷോ.

തിരുനാൾ ദിനങ്ങളിൽ മോൺ. വി. പി. ജോസ്‌, ഫാ. വൽസലൻ ജോസ്‌, ഫാ. ബനഡിക്‌ട്‌, ഫാ. പ്രദീപ്‌ ആന്റോ, ഫാ. ജോയി മത്യാസ്‌, ഫാ. സാബു വർഗ്ഗീസ്‌, ഫാ. ആൽബി , ഫാ. ക്രിസ്‌തുദാസ്‌ ഫിലിപ്‌, ഫാ. ബിനു വർഗ്ഗീസ്‌, തുടങ്ങിയവർ നേതൃത്വം നൽകും.

ജൂൺ 6 ശനിയാഴ്‌ച വൈകിട്ട്‌ ഫാ. ലോറൻസിന്റെ നേതൃത്വത്തിൽ സന്ധ്യാവന്ദനം തുടർന്ന്‌ ആഘോഷമായ തിരുസ്വരൂപ പ്രദക്ഷിണം. ദേവാലയത്തിൽ നിന്ന്‌ ആരംഭിക്കുന്ന പ്രദക്ഷിണം മൂന്ന്‌കല്ലിമുട്‌, ഊരുട്ടുകാല കുരിശടിപളളി, കൊന്നമൂട്‌, കൊടങ്ങാവിള കുരിശടി , സെന്റ്‌ ജോർജ്ജ്‌ മലങ്കര ദേവാലയം, കൂട്ടപ്പന, നിംസ്‌ ആശുപത്രി ജംഗ്‌ഷൻ വഴി തിരികെ ദേവാലയത്തിൽ എത്തിച്ചേരും.

ഞായറാഴ്‌ച ആഘോഷമായ തിരുനാൾ സമാപന സമൂഹദിവ്യബലി. മുഖ്യ കാർമ്മികൻ മോൺ. വിന്‍സെന്റ്‌ കെ. പീറ്റർ, വചന സന്ദേശം ഫാ. റോബർട്ട്‌ വിൻസെന്റ്‌ നിർവ്വഹിക്കും.

Show More

Leave a Reply

Your email address will not be published. Required fields are marked *

Related Articles

Back to top button
error: Content is protected !!
Close
Close

Adblock Detected

Please consider supporting us by disabling your ad blocker