Kerala
പ്രതിഷേധ സമരത്തിന്‌ നെയ്യാറ്റിന്‍കര രൂപതയുടെ ഐക്യദാര്‍ഡ്യം
പ്രതിഷേധ സമരത്തിന്‌ നെയ്യാറ്റിന്‍കര രൂപതയുടെ ഐക്യദാര്‍ഡ്യം
നെയ്യാറ്റിന്‍കര :പരിത്തിയൂര്‍ കൊല്ലംകോട്‌ ഇടവകകളില്‍ നിന്ന്‌ മത്സ്യ ബന്ധനത്തിന്‌ പോയ തൊഴിലാളികളെ കണ്ടെത്തുന്നതില്‍ സര്‍ക്കാര്‍ അലംഭാവം കാട്ടുന്നു എന്നാരോപിച്ച്‌ മത്സ്യ ബന്ധന തൊഴിലാളികളും ബന്ധുക്കളും നെയ്യാറ്റിന്‍കരയില്‍ നടത്തിയ ഉപരോധ സമരത്തിന്‌ ഐക്യദാര്‍ഡ്യവാമയി നെയ്യാറ്റിന്‍കര രൂപത.
സര്‍ക്കാര്‍ തീരദേശ മേഖലയോട്‌ കാട്ടുന്ന അവഗണനയുടെ നേര്‍ സാക്ഷ്യമാണ്‌ പൊഴിയൂര്‍ മേഖലയെ തിരിഞ്ഞ്‌ നോക്കാത്തതെന്ന്‌ നെയ്യാറ്റിന്‍കര രൂപതാ വികാരി ജനറല്‍ മോണ്‍. ജി .ക്രിസ്‌തുദാസ്‌ പറഞ്ഞു. സര്‍ക്കാര്‍ സംവിധാനങ്ങള്‍ അടിയന്തിരമായി പൊഴിയൂര്‍ മേഖലയില്‍ ഇടപെടണമെന്ന്‌ രൂപതാ കെഎല്‍സിഎ ആവശ്യപ്പെട്ടു. മോണ്‍.വി.പി ജോസ്‌, കെഎല്‍സിഎ പ്രസിഡന്റ്‌ അഡ്വ ഡി രാജു , ഫാ.ഷാജ്‌കുമാര്‍ , ഫാ.ജയരാജ്‌ ജെ.ആർ, സനല്‍ ക്ലീറ്റസ്‌ തുടങ്ങിയവര്‍ പങ്കെടുത്തു
