സ്വന്തം ലേഖകന്‍
നെയ്യാറ്റിന്‍കര: നെയ്യാറ്റിന്‍കര രൂപത വിദ്യാഭ്യാസ സമിതി ഡയറക്ടറും മാറനല്ലൂര്‍ ഇടവക വികാരിയുമായ ഫാ.ജോണി കെ ലോറന്‍സിന്‍റെ മാതാവും പാലപ്പൂര്‍ ജോയിവില്ലയില്‍ പരേതനായ എ.പി ലോറന്‍സിന്‍റെ സഹധര്‍മ്മിണിയുമായ ഡോറത്തിഭായ് (78) നിര്യാതയായി.
പാലപ്പൂര്‍ ഹോളിക്രോസ് എല്‍പി സ്കൂളില്‍ പ്രഥമാധ്യാപികയായി സേവനമനുഷ്ടിച്ചിട്ടുണ്ട്. സംസ്കാരം ഇന്ന് വൈകിട്ട് 3.30 ന് പാലപ്പൂര്‍ ഹോളിക്രോസ് ദേവാലയത്തില്‍ നെയ്യാറ്റിന്‍കര ബിഷപ്പ് ഡോ.വിന്‍സെന്‍റ് സാമുവലിന്‍റെ മുഖ്യ കാര്‍മ്മികത്വത്തില്‍ നടക്കും.
മക്കള്‍ വെന്‍സസ് ലാസ്, ഹെലന്‍ ഡി ലോറന്‍സ്, ജോയി കെ ലോറന്‍സ്, മരുമക്കള്‍ ;സുധീരന്‍, ആനിജാരറ്റ്, ഷീജ സി എസ്.
നെയ്യാറ്റിന്‍കര ബിഷപ്പ് ഡോ.വിന്‍സെന്‍റ് സാമുവല്‍, വികാരി ജനറല്‍ മോണ്‍.ജി.ക്രിസ്തുദാസ്, ശുശ്രൂഷ കോ ഓഡിനേറ്റര്‍ മോണ്‍.വി പി ജോസ് രൂപത കോര്‍പ്പറേറ്റ് മാനേജര്‍ ഫാ.ജോസഫ് അനില്‍ തുടങ്ങിയവര്‍ അനുശോചിച്ചു.
അനുസ്മരണ ദിവ്യബലി ശനിയാഴ്ച (6 07 2019) വൈകിട്ട് 3.30 ന് പാലപ്പൂര്‍ ഹോളി ക്രോസ് ദേവാലയത്തില്‍ നടക്കും.
