ഫാ.തോമസ് തറയിൽ കെ.ആർ.എൽ.സി.സി. ജനറൽ സെക്രട്ടറി

സ്വന്തം ലേഖകൻ

കൊച്ചി: കേരള കത്തോലിക്കാ മെത്രാൻ സമിതി (കെ.ആർ.എൽ.സി.ബി.സി.) യുടെ ഡപ്യൂട്ടി സെക്രട്ടറി ജനറലായും കേരള റീജ്യൻ ലാറ്റിൻ കാത്തലിക് കൗൺസിലി (കെ.ആർ.എൽ.സി.സി.) ന്റെ ജനറൽ സെക്രട്ടറിയായും ഫാ.ഫാ.തോമസ് തറയിലിനെ നിയമിച്ചു. രണ്ടു ദിവസമായി ചേർന്ന കേരള കത്തോലിക്കാ മെത്രാൻ സമിതിയാണ് അദ്ദേഹത്തെ നിയമിച്ചതെന്നും, 2020 നവംമ്പർ 14-ന് അദ്ദേഹം ചുമതലയേൽക്കുമെന്നും സമുദായ വക്താവ് ശ്രീ.ഷാജി ജോർജ് അറിയിച്ചു.

കഴിഞ്ഞ 9 വർഷങ്ങളായി കെ.ആർ.എൽ.സി.സി. ജനറൽ സെക്രട്ടറിയായി പ്രവർത്തിച്ചിരുന്ന ഫാ.ഫ്രാൻസിസ് സേവ്യർ താന്നിക്കാപ്പറമ്പിൽ മൂന്ന് തവണകൾ പൂർത്തിയാക്കിയതിനെ തുടർന്നാണ് പുതിയ നിയമനം.

വിജയപുരം രൂപതാംഗമായ ഫാ.തോമസ് തറയിൽ കെ.ആർ.എൽ.സി.സി.യുടെ അസ്സോസിയേറ്റ് ജനറൽ സെക്രട്ടറിയായി പ്രവർത്തിച്ചുവരികയായിരുന്നു. അതുപോലെതന്നെ, വിജയപുരം സോഷ്യൽ സർവീസ് സൊസൈറ്റിയുടെ ഡയറക്ടറായും ജീസസ് യൂത്തിന്റെ ആത്മീയ ഉപദേഷ്ടാവായും പ്രവർത്തിച്ചിട്ടുണ്ട്.