Kerala

‘ഭവനം ഒരു സമ്മാനം’ പദ്ധതിയുടെ ഭാഗമായി 9 പേർക്ക് സ്ഥലം പതിച്ചുനൽകി തിരുവനന്തപുരം അതിരൂപത

കാതറിന്‍ പേരേര തിരുവനന്തപുരം സോഷ്യൽ സർവീസ് സൊസൈറ്റിക്ക് ദാനമായി നൽകിയതാണ് സ്ഥലം...

സ്വന്തം ലേഖകൻ

തിരുവനന്തപുരം: ‘ഭവനം ഒരു സമ്മാനം’ പദ്ധതിയുടെ ഭാഗമായി 9 കുടുംബങ്ങൾക്കായി സ്ഥലം പതിച്ചുനൽകി മാതൃകയാകുകയാണ് തിരുവനന്തപുരം ലത്തീൻ അതിരൂപത. അതിരൂപതാ മെത്രാപോലീത്താ ഡോ.സൂസപാക്യമാണ് നിര്‍ദ്ധനരായ ഓരോ കുടുംബങ്ങള്‍ക്കും വീടുവയ്ക്കുവാനാവശ്യമായ മൂന്നു സെന്റ് സ്ഥലം വീതം റെജിസ്ട്രേഷന്‍ നടപടികള്‍ പൂർത്തിയാക്കി കൈമാറിയത്.

കാലം ചെയ്ത പീറ്റര്‍ ബെര്‍ണാര്‍ഡ് പെരേര പിതാവിന്റെ ബന്ധുവായ മുരുക്കുംപുഴ സ്വദേശിനി ശ്രീമതി.കാതറിന്‍ പേരേര തിരുവനന്തപുരം സോഷ്യൽ സർവീസ് സൊസൈറ്റിക്ക് ദാനമായി നൽകിയ സ്ഥലത്തിൽ നിന്നാണ് 9 പേർക്ക് ഭൂമി നൽകിയത്.

മുരുക്കുംപുഴ ഇടവക വികാരി ഫാ.തോമസ് നെറ്റോ, ടി.എസ്.എസ്.എസ്. ഡയറക്റ്റർ റവ.ഡോ.സബാസ്, ശ്രീ.ജേറാർഡ് തുടങ്ങിയവർ റെജിസ്ട്രേഷന്‍ നടപടികളില്‍ സന്നിഹിതനായിരുന്നു.

2017 ലും 2018 ലുമായി ഇതുപോലെ 11 കുടുംബങ്ങള്‍ക്ക് തിരുവനന്തപുരം ലത്തീൻ അതിരൂപത ‘ഭവനം ഒരു സമ്മാനം’ പദ്ധതിയുടെ ഭാഗമായി സ്ഥലം പതിച്ചു നൽകിയിരുന്നു.

കാത്തലിക് വോക്സിന്റെ വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക

Click to join Catholiocvox Whatsapp group

Show More

Leave a Reply

Your email address will not be published. Required fields are marked *

Related Articles

Back to top button
error: Content is protected !!
Close
Close

Adblock Detected

Please consider supporting us by disabling your ad blocker