അനിൽ ജോസഫ്
മാറനല്ലൂര്‍: മേലാരിയോട് വിശുദ്ധ മദര്‍ തെരേസ ദേവാലയത്തില്‍ മതബോധന വാര്‍ഷികം ആഘോഷിച്ചു. പരിപാടി ഇടവക വികാരി ഫാ.ജോണി കെ.ലോറന്‍സ് ഉദ്ഘാടനം ചെയ്തു. വിദ്യാഭ്യാസ വര്‍ഷത്തില്‍ മതബോധനത്തിന്‍റെ വിദ്യാഭ്യാസ പ്രവര്‍ത്തനങ്ങള്‍ ശക്തമാക്കണമെന്ന് ജോണിയച്ചന്‍ ആവശ്യപ്പെട്ടു. ലത്തീന്‍ വിഭാഗത്തിന്‍റെ പിന്നോക്കാവസ്ഥ മാറ്റിയെടുക്കന്‍ വിദ്യാഭ്യാസ പ്രവര്‍ത്തനങ്ങളിലൂടെ മാത്രമെ സാധിക്കൂ എന്നും അച്ചന്‍ കൂട്ടിച്ചേര്‍ത്തു.
ഹെഡ്മാസ്റ്റര്‍ ജോസ് പ്രകാശിന്‍റെ അധ്യക്ഷതയില്‍ കൂടിയ യോഗത്തില്‍ സഹവികാരി ഫാ.അലക്സ് സൈമണ്‍ അനുഗ്രഹ സന്ദേശം നല്‍കി. ഇടവക സെക്രട്ടറി സജിജോസ്, വിദ്യാഭ്യാസ കമ്മിഷന്‍ സെക്രട്ടറി എ.ക്രിസ്തുദാസ്, ആന്‍റണി തുടങ്ങിയവര്‍ പ്രസംഗിച്ചു.
മതബോധന വിദ്യാര്‍ഥികള്‍ അവതരിപ്പിച്ച വിവിധ കലാപരിപാടികളും ഉണ്ടായിരുന്നു.
