മാറനല്ലൂര്‍ സെന്റ്‌ പോള്‍സ് ചര്‍ച്ച് ക്രിസ്മസ് കാര്‍ണിവല്‍ ചൊവ്വാഴ്ച തുടക്കമാവും
മാറനല്ലൂര്‍ സെന്റ്‌ പോള്‍സ് ചര്‍ച്ച് ക്രിസ്മസ് കാര്‍ണിവല്‍ ചൊവ്വാഴ്ച തുടക്കമാവും
അനിൽ ജോസഫ്
മാറനല്ലൂര്‍: മാറനല്ലൂര്‍ സെന്റ്‌ പോള്‍സ് ചര്‍ച്ചിന്റെ നേതൃത്വത്തില്‍ സംഘടിപ്പിക്കുന്ന 9- ാമത് ക്രിസ്മസ് കാര്‍ണിവലിന് ചൊവ്വാഴ്ച തുടക്കമാവും, 31 ന് സമാപിക്കും. കാര്‍ണിവല്‍ ആറ്റിങ്ങല്‍ എംപി അടൂര്‍ പ്രകാശ് ഉദ്ഘാടനം ചെയ്യും.
പുല്‍ക്കൂട് പ്രദര്‍ശനം ഐബി സതീഷ് എംഎല്‍എയും, സാംസ്കാരിക സമ്മേളനത്തിന്റെ ഉദ്ഘാടനം കെ ആന്‍സലന്‍ എംഎല്‍എയും, വ്യാപാരമേള മുന്‍ സ്പീക്കര്‍ എന്‍ ശക്തനും ഉദ്ഘാടനം ചെയ്യും. നെയ്യാറ്റിന്‍കര രൂപത വികാരി ജനറല്‍ മോണ്‍.ജി.ക്രിസ്തുദാസ് അധ്യക്ഷത വഹിക്കും.
ഇടവക വികാരി ഫാ.ജോണി കെ ലോറന്‍സ്, സഹവികാരി ഫാ.അലക്സ് സൈമണ്‍, പഞ്ചായത്ത് പ്രസിഡന്‍റ് രമ, വാര്‍ഡ് മെമ്പര്‍മാരായ അജികുമാര്‍, ഊരൂട്ടമ്പലം ഷിബു,ശ്രീ മിഥുന്‍, കാര്‍ണിവല്‍ കണ്‍വീനര്‍ സജീഷ്കുമാര്‍ എസ്, ആന്‍സലദാസ്, മോഹന്‍ദാസ്, അഗസ്റ്റിന്‍ തുടങ്ങിയവര്‍ പ്രസംഗിക്കും.
ഇത്തവണ പളളിയങ്കണത്തില്‍ കൂറ്റന്‍ പുല്‍ക്കൂടൊരുക്കിയാണ് കാര്‍ണിവലിന് തുടക്കം കുറിക്കുന്നത്.
