Diocese

മുഖ്യമന്ത്രിയുടെ പുരസ്‌കാരം നേടി നെയ്യാറ്റിൻകര രൂപതയ്ക്ക് അഭിമാനമായി ഒരു തേവൻപാറകാരൻ

മുഖ്യമന്ത്രിയുടെ പുരസ്‌കാരം നേടി നെയ്യാറ്റിൻകര രൂപതയ്ക്ക് അഭിമാനമായി ഒരു തേവൻപാറകാരൻ

സുസ്മിൻ സെബാസ്റ്റ്യൻ

തിരുവനന്തപുരം: കേരള പോലീസ് ഫേസ്ബുക്ക് പേജ്, ന്യൂയോർക് പോലീസ് ഫേസ്ബുക് പേജിനെയും മറികടന്ന് സോഷ്യൽ മീഡിയ രംഗത്ത് ഏറ്റവും കൂടുതൽ പേർ പിൻതുടരുന്ന ഫേസ്ബുക്ക് പേജ് ആയി മാറിയതിന്റെ ഔദ്യോഗിക പ്രഖ്യാപന വേളയിൽ മുഖ്യ മന്ത്രിയിൽ നിന്നും ശ്രീ. അരുൺ ബി.റ്റി. പുരസ്‌കാരം സ്വീകരിച്ചുകൊണ്ട് ഈ തേവൻപാറക്കാരൻ നെയ്യാറ്റിൻകര രൂപതയ്ക് അഭിമാനമായി മാറിയിരിക്കുന്നു.

കേരള പോലീസ് ഫേസ്ബുക്ക് പേജ് അഡ്മിന്മാരിൽ ഒരാളാണ് ശ്രീ. അരുൺ ബി.റ്റി. ഫേസ്ബുക്ക് ഇന്ത്യ മേധാവി ശ്രീ. സത്യ യാദവ്, ഡി.ജി.പി. ലോക്നാഥ് ബെഹ്റ Ips, എ.ഡി.ജി.പി. ശ്രീ. മനോജ് എബ്രഹാം Ips, കേരള റെയിൽവേ പോലീസ് എസ്.പി. മെറിൻ ജോസഫ് Ips എന്നിവരുടെ സാനിധ്യത്തിൽ ആണ് അരുൺ മുഖ്യമന്ത്രിയിൽ നിന്നും പുരസ്‌കാരം സ്വീകരിച്ചത്.

തദവസരത്തിൽ തന്നെ അരുൺ കേരള റെയിൽവേ പൊലീസിന് വേണ്ടി സംവിധാനം ചെയ്ത ‘ശ്രദ്ധ, ടേക്ക് കെയർ, ബിവെയർ’ എന്നീ ഹ്രസ്വ ചിത്രങ്ങളുടെ പ്രകാശനം മുഖ്യമന്ത്രി ശ്രീ. പിണറായി വിജയൻ കേരള റെയിൽവേ പോലീസ് എസ്.പി. മെറിൻ ജോസഫ് Ips -ന് ഹ്രസ്വ ചിത്രങ്ങളുടെ സി.ഡി. കൈ മാറി നിർവഹിച്ചു.

അരുൺ കേരള പോലീസിനു വേണ്ടി സംവിധാനം ചെയ്ത ‘വൈറൽ’ എന്ന ഹ്രസ്വ ചിത്രം പ്രേക്ഷക പ്രശംസയും നിരൂപക ശ്രദ്ധയും പിടിച്ചു പറ്റിയിരുന്നു. നെയ്യാറ്റിൻകര രൂപതയിലെ തേവൻപാറ ഫാത്തിമാ മാതാ ഇടവകാംഗവും ബാലരാമപുരം ഫെറോന വികാരി വെരി.റവ.ഫാ. ഷൈജു ദാസിന്റെ സഹോദര പുത്രനും ആണ് ശ്രീ.അരുൺ ബി.റ്റി.

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker