Kerala

യുവജനങ്ങൾ സംഘടിതരായി സഭയുടെ വിശ്വാസ വളർച്ചയിൽ പങ്കുകാരാകണം: ബിഷപ്‌ ഡോ.വിൻസെന്റ്‌ സാമുവൽ

യുവജനങ്ങൾ സംഘടിതരായി സഭയുടെ വിശ്വാസ വളർച്ചയിൽ പങ്കുകാരാകണം: ബിഷപ്‌ ഡോ.വിൻസെന്റ്‌ സാമുവൽ

ചെങ്ങന്നൂർ: യുവജനങ്ങൾ  സംഘടിതരായി സഭയുടെ വിശ്വാസ വളർച്ചയിൽ പങ്കുകാരാകണമെന്ന്‌ കെ.ആർ.എൽ.സി.സി. യൂത്ത്‌ കമ്മിഷൻ ചെയർമാൻ  ഡോ.വിൻസെന്റ്‌ സാമുവൽ.

ലാറ്റിൻ  കാത്തലിക്‌ യൂത്ത്‌ മൂവ്‌മെന്റ്‌ (എൽ.സി.വൈ.എം.) നാലാമത്‌ വാർഷിക സെനറ്റ്‌ യോഗം ചെങ്ങന്നൂരിൽ ഉദ്‌ഘാടനം ചെയ്യുകയായിരുന്നു ബിഷപ്‌. അലസതയിലും ആർഭാടത്തിലും മതിമറന്ന്‌ പോകാതെ യുവാക്കൾ വിശ്വാസ തീഷ്‌ണതയിൽ വളരണം, സഭയുടെ അടിത്തറയായി മാറേണ്ട യുവാക്കൾക്ക്‌ എൽ.സി.വൈ.എം. എന്നും മാതൃകയായിരിക്കണമെന്നും ബിഷപ്‌ കൂട്ടിച്ചേർത്തു.

പുനലൂർ രൂപതയുടെ ആഥിതേയത്തിൽ കൂടിയ സെനറ്റ്‌ യോഗത്തിൽ എൽ.സി.വൈ.എം. സംസ്‌ഥാന പ്രസിഡന്റ്‌ ഇമ്മാനുവൽ മൈക്കിൾ അധ്യക്ഷത വഹിച്ചു. കെ.ആർ.എൽ.സി.സി. യൂത്ത്‌ കമ്മിഷ സെക്രട്ടറി ഫാ. പോൾ സണ്ണി മുഖ്യ സന്ദേശം നൽകി. കെ.ആർ.എൽ.സി.സി. സെക്രട്ടറി ഫാ. ഫ്രാൻസിസ്‌ സേവ്യർ, എൽ.സി.വൈ.എം. സെക്രട്ടറി ഡീനാ പീറ്റർ, എൽ.സി.വൈ.എം. പുനലൂർ രൂപതാ ഡയറക്‌ടർ ജോസ്‌ ഫിഫിൻ, എൽ.സി.വൈ.എം. സംസ്‌ഥാന ജനറൽ സെക്രട്ടറി ജിബിൻ ഗബ്രിയേൽ തുടങ്ങിയവർ പ്രസംഗിച്ചു. ഓഖി അനുസ്‌മരണത്തോടു കൂടിയാണ്‌ നാലാമത്‌ വാർഷിക സെനറ്റിന്‌ തുടക്കം കുറിച്ചത്‌.

Show More

Leave a Reply

Your email address will not be published. Required fields are marked *

Related Articles

Back to top button
error: Content is protected !!
Close
Close

Adblock Detected

Please consider supporting us by disabling your ad blocker