Kerala

റെസ്റ്റലിങ്, ജൂഡോ മത്സരങ്ങളിൽ സ്വർണ്ണമെഡലുകളുമായി സാന്ദ്ര അബ്രഹാം

നെയ്യാറ്റിൻകര രൂപതയിലെ കട്ടയ്ക്കോട് ഇടവകഅംഗമാണ്...

സ്വന്തം ലേഖകൻ

തിരുവനന്തപുരം: റെസ്റ്റലിങ്, ജൂഡോ മത്സരങ്ങളിൽ സ്വർണ്ണമെഡലുകൾ കരസ്ഥമാക്കി സാന്ദ്ര അബ്രഹാം. കോട്ടയം MD Seminary School-ൽ പ്ലസ് ടു വിദ്യാർഥിനിയാണ് സാന്ദ്ര. നെയ്യാറ്റിൻകര രൂപതയിലെ കട്ടയ്ക്കോട് ഇടവകഅംഗമാണ്.

കണ്ണൂർ മുണ്ടയാട് സ്റ്റേഡിയത്തിൽ വച്ച് നടന്ന കേരളം സ്റ്റേറ്റ് സ്കൂൾ ഗെയിംസ് ചാമ്പ്യൻഷിപ്പ് 2019-ൽ റെസ്റ്റലിങ് 76 കിലോഗ്രാം വിഭാഗത്തിലാണ് ഗോഡ് മെഡൽ കരസ്ഥമാക്കിയത്. ഒക്ടോബർ 25,26,27 തീയതികളിലായിരുന്നു മത്സരം.

തുടർന്ന്, തൃശൂർ വച്ച് ഒക്ടോബർ 30,31 നവ.1 എന്നീ തീയതികളിലായി നടന്ന കേരളം സ്റ്റേറ്റ് സ്കൂൾസ് ചാമ്പ്യൻഷിപ്പ് 2019-ൽ ജൂഡോ മത്സരം 70 കിലോഗ്രാമിനു മുകളിലുള്ള വിഭാഗത്തിലും ഗോൾഡ്‌മെഡൽ നേടി.

ജൂഡോയുടെ ദേശീയതല മത്സരം നവംബർ 13-ന് ഡൽഹിയിൽവച്ചും; റെസ്റ്റലിങ് ദേശീയതല മത്സരം 2020 ജനുവരി 15-ന് മഹാരാഷ്ട്രയിലും വച്ച് നടക്കും. ഈ ദേശീയതല മത്സരങ്ങൾക്കുള്ള തയാറെടുപ്പിലാണ് സാന്ദ്ര അബ്രഹാം.

കട്ടയ്ക്കോട്, മുഴവൻകോട് മാതാഭാവനിൽ ശ്രീമാൻ അബ്രഹാത്തിന്റെയും, ശ്രീമതി പ്രിയയുടെയും (GUPS വിളപ്പിൽശാല) മകളാണ് സാന്ദ്ര. തിരുവനന്തപുരം ഗവ.സംസ്കൃത കോളേജിൽ രണ്ടാം വർഷ വിദ്യാർത്ഥിയായ സ്നേഹ അബ്രഹാം സഹോദരിയാണ്.

Show More

Leave a Reply

Your email address will not be published. Required fields are marked *

Related Articles

Back to top button
Close