Parish

വി.മദർ തെരേസയുടെ നാമധേയത്തിലുള്ള ലോകത്തിലെ ആദ്യ ദേവാലയം പ്രതിഷേധ ജ്വാല സംഘടിപ്പിച്ചു

വി.മദർ തെരേസയുടെ നാമധേയത്തിലുള്ള ലോകത്തിലെ ആദ്യ ദേവാലയം പ്രതിഷേധ ജ്വാല സംഘടിപ്പിച്ചു

അനിൽ ജോസഫ്

മാറനല്ലൂര്‍: വിശുദ്ധ മദര്‍ തെരേസയെക്കുറിച്ചും മിഷണറീസ്‌ ഓഫ്‌ ചാരിറ്റി സന്യാസ സഭക്കുമെതിരെ നടക്കുന്ന തെറ്റായ പ്രചരണങ്ങള്‍ക്കെതിരെ മദറിന്റെ നാമധേയത്തിലുള്ള ആദ്യ ദേവാലയമായ നെയ്യാറ്റിൻകര രൂപതയിലെ മേലാരിയോട്‌ മദര്‍ തെരേസ ദേവാലയത്തില്‍ പ്രതിഷേധ ജ്വാല സംഘടിപ്പിച്ചു. പ്രതിഷേധ പരിപാടി ഇടവക വികാരിയും നെയ്യാറ്റിന്‍കര രൂപതാ വിദ്യാഭ്യാസ സമിതി ഡറയക്‌ടറുമായ ഫാ. ജോണി കെ. ലോറന്‍സ്‌ ഉദ്‌ഘാടനം ചെയ്തു.

മദറിനെതിരെ പ്രചരിപ്പിക്കുന്ന തെറ്റായ പ്രചരണങ്ങള്‍ മദര്‍ തെരേസ ഭാരതത്തിന്‌ നല്‍കിയ മഹത്തായ സേവനങ്ങളെ വിലകുറച്ച്‌ കാണിക്കാനാണെന്ന്‌ ഫാ. ജോണി കെ. ലോറന്‍സ്‌ പറഞ്ഞു. രാജ്യത്ത്‌ അസഹിഷ്‌ണത വളരുന്നതിന്റെ ഏറ്റവും വലിയ തെളിവാണ്‌ മദറിനെതിരെ നടക്കുന്ന പ്രചരണമെന്നും വിശുദ്ധ പദവി ലഭിച്ചതിന്‌ ശേഷം മദര്‍ തെരേസക്കെതിരെയും മദറിന്റെ സന്യാസ സഭക്കെതിരെയുമുളള വ്യാജ പ്രചരണങ്ങള്‍ സജീവമാണെന്നും അദേഹം ഓർമ്മിപ്പിച്ചു.

സഹ വികാരി ഫാ. അലക്‌സ്‌ സൈമണ്‍, കൗണ്‍സില്‍ സെക്രട്ടറി സജിജോസ്‌ തുടങ്ങിയവര്‍ പ്രസംഗിച്ചു. മദറിന്‌ ഐക്യദാര്‍ണ്ഡ്യം പ്രഖ്യാപിച്ച്‌ വിശ്വാസികള്‍ മെഴുകുതിരി ജ്വാല തെളിച്ചു.

Show More

Leave a Reply

Your email address will not be published. Required fields are marked *

Related Articles

Back to top button
Close
Close

Adblock Detected

Please consider supporting us by disabling your ad blocker