Kerala

സംസ്‌ഥാന കെ.സി.വൈ.എം. ന്റെ സമാധാന സന്ദേശ യാത്രയ്ക്ക് ആലപ്പുഴരൂപതയിൽ വൻസ്വീകരണം

മതത്തിന്റെ പേരിലുള്ള ആക്രമണങ്ങൾക്കും ഭീകരവാദത്തിനുമെതിരെ, മതേതരത്വം സംരക്ഷിക്കാൻ ലോകസമാധാനത്തിനായി...

ജോസ് മാർട്ടിൻ

ആലപ്പുഴ: കെ.സി.വൈ.എം. സംസ്‌ഥാന നേതൃത്വം നയിക്കുന്ന സമാധാന സന്ദേശ യാത്രയ്ക്ക് ആലപ്പുഴ രൂപത വൻസ്വീകരണം നൽകി. ശനിയാഴ്ച്ച രാവിലെ പത്തു മണിയ്ക്കാൻ യാത്ര ആലപ്പുഴയിൽ എത്തിചേർന്നത്. മതത്തിന്റെ പേരിലുള്ള ആക്രമണങ്ങൾക്കും ഭീകരവാദത്തിനുമെതിരെ, മതേതരത്വം സംരക്ഷിക്കാൻ ലോകസമാധാനത്തിനായി കെ.സി.വൈ.എം. നടത്തുന്ന സമാധാന സന്ദേശ യാത്ര സംസ്ഥാന പ്രസിഡന്റ് ശ്രീ.സിറിയക് ചാഴിക്കാടനാണ് നയിക്കുന്നത്. കാസർകോട് മുതൽ കന്യാകുമാരി വരെയുള്ള സമാധന സന്ദേശ യാത്രയ്ക്ക് ആലപ്പുഴ രൂപതാ യുവജ്യോതി കെ.സി.വൈ.എം. വണ്ടാനം മെഡിക്കൽ കോളേജ് ജംഗ്ഷനിൽ സ്വീകരണം നൽകി.

തുടർന്ന്, ആലപ്പുഴ യുവജ്യോതി കെ.സി.വൈ.എം. പ്രസിഡന്റ് എം.ജെ. ഇമ്മാനുവലിന്റെ അദ്യക്ഷതയിൽ നടത്തിയ പൊതു സമ്മേളനത്തിൽ വണ്ടാനം ഇടവക വികാരി ഫാ.മൈക്കിൾ കുന്നേൽ ഉത്ഘാടനം നിർവഹിച്ചു. ഉത്ഘാടന പ്രസംഗത്തിൽ യുവജനങ്ങളിൽ മനോഭാവ മാറ്റം ഉണ്ടാവണമെന്നും, മതേതരത്വം എന്നത് അതിന്റെ പൂർണതയിൽ ഉൾകൊള്ളാൻ കഴിയണമെന്നും ഫാ.മൈക്കിൾ ഓർമ്മിപ്പിച്ചു.

രൂപത ഡയറക്ടർ ഫാ.സെബാസ്റ്റ്യൻ പുന്നയ്ക്കൽ ആമുഖ പ്രഭാഷണവും, സംസ്ഥാന ഡയറക്ടർ സ്റ്റീഫ്ൻ തോമസ് ചാലാക്കര വിഷയാവതരണവും, ജാഥ ക്യാപ്റ്റൻ ശ്രീ.സിറിയക് ചാഴിക്കാടൻ മറുപടി പ്രസംഗവും നടത്തി. ആലപ്പുഴയിൽ നടന്ന സ്വീകരണ പരിപാടിയ്ക്ക് രൂപത ഭാരവാഹികളും വണ്ടാനം യൂണിറ്റ് ഭാരവാഹികളും നേതൃത്വം നൽകി.

Show More

Leave a Reply

Your email address will not be published. Required fields are marked *

Related Articles

Back to top button
error: Content is protected !!
Close
Close

Adblock Detected

Please consider supporting us by disabling your ad blocker