സെന്റ് തോമസിന്റെ പേരില്‍ സത്യ പ്രതിജ്ഞ ചൊല്ലി പൂന്തുറ വാര്‍ഡിലെ അംഗം മേരി ജിപ്സി ചരിത്രത്തിലേക്ക്
സെന്റ് തോമസിന്റെ പേരില്‍ സത്യ പ്രതിജ്ഞ ചൊല്ലി പൂന്തുറ വാര്‍ഡിലെ അംഗം മേരി ജിപ്സി ചരിത്രത്തിലേക്ക്
അനിൽ ജോസഫ്
തിരുവനന്തപുരം: സെന്റ് തോമസിന്റെ പേരില്‍ സത്യപ്രതിജ്ഞ ചൊല്ലി പൂന്തുറ വാര്‍ഡില്‍ നിന്ന് മിന്നുന്ന വിജയം നേടിയ മേരി ജിപ്സി (മായ) ചരിത്രത്തിന്റെ ഭാഗമായി. തിരുവനന്തപുരം നഗര സഭയിലേക്ക് നടന്ന തെരെഞ്ഞെടുപ്പില്‍ പൂന്തുറ വാര്‍ഡിനെ പ്രതിനിധീകരിച്ച മേരിക്ക് അവിസ്മരണീയമായ വിജയമാണ് വാര്‍ഡ് നല്‍കിയത്.
ഇടത് പക്ഷം സീറ്റ് നിക്ഷേധിച്ചതിനെ തുടര്‍ന്ന് സ്വതന്ത്ര സ്ഥാനാര്‍ത്ഥിയായി മത്സരിച്ചാണ് പൂന്തുറ വാര്‍ഡില്‍ വിജയക്കൊടി പാറിച്ചത്. സാധാരണയായി ദൈവത്തിന്റെ പേരിലോ ദൃഡപ്രതിജ്ഞയോ ആയാണു സത്യ പ്രതിജ്ഞ ചെയ്യാറുളളതെങ്കിലും സെന്റ് തോമസിനോടുളള കടുത്ത വിശ്വാസമാണ് മേരിയെ വ്യത്യസ്തമായ രീതിയില്‍ സത്യ പ്രതിജ്ഞ ചൊല്ലാന്‍ പ്രേരിപ്പിച്ചതെന്നും, പൂന്തുറ സെന്റ് തോമസ് ഇടവകാഗമായതിനാലാണ് സെന്റ് തോമസിനോടുളള സ്നേഹത്തിന്‍റെ പേരിലാണ് സത്യപ്രതിജ്ഞയില്‍ സെന്റ് തോമസിന്റെ സാനിധ്യം ഉറപ്പിച്ചതെന്നും മേരി ജിപ്സി കാത്തലിക് വോക്സിനോട് പറഞ്ഞു.
കെസിവൈഎം മുന്‍ രൂപതാ സെനറ്റ് അംഗം കൂടിയായ മേരി ജിപ്സി കെഎല്‍സിഡബ്ല്യൂഎ യിലെ സജീവ പ്രവര്‍ത്തകയാണ്. തനിക്ക് സീറ്റ് നിഷേധിച്ച എല്‍ഡിഎഫിനെ മൂന്നാം സ്ഥാനത്തേക്ക് പിന്തളളി 74 വോട്ടിനാണ് മേരിയുടെ വിജയം.
ബെബിയനാണ് മേരിയുടെ ഭര്‍ത്താവ്. മുന്‍ കെസിവൈഎം സംസ്ഥാന പ്രസിഡന്‍റ് ഇമ്മാനുവല്‍ മൈക്കിള്‍ സഹോദരനാണ്.
കാത്തലിക് വോക്സിന്റെ വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക
Click to join Catholiocvox Whatsapp group
ആ സത്യപ്രതിജ്ഞ നിയമാനുസൃതം ആണോ ആവോ ? തോമ്മാശ്ളീഹ ദൈവമല്ലല്ലോ !!