Kerala

അധ്യാപകരുടെ പ്രശ്നം പരിഹരിക്കുന്നതിന് മുഖ്യമന്ത്രി ഇടപെടാമെന്ന് ഉറപ്പുനല്‍കി കര്‍ദ്ദിനാള്‍ ക്ലിമീസ് കാതോലിക്കാ ബാവ

സ്വന്തം ലേഖകന്‍

തിരുവനന്തപുരംഃ സംസ്ഥാനത്ത് നിയമന അംഗീകാരം ലഭിക്കാത്ത അധ്യാപകരുടെ പ്രശ്നം പരിഹരിക്കുന്നതില്‍ അനുകൂലമായി ഇടപെടാമെന്ന് മുഖ്യമന്ത്രി പിണറായി വിജയനും വിദ്യാഭ്യാസമന്ത്രി പ്രൊ. സി രവീന്ദ്രനാഥും ഉറപ്പുനല്‍കിയതായി മലങ്കര കത്തോലിക്ക സഭ മേജര്‍ ആര്‍ച്ച് ബിഷപ് കര്‍ദിനാള്‍ മാര്‍ ക്ലിമീസ് കാതോലിക്കാ ബാവാ പറഞ്ഞു.

കെസിബിസി വിദ്യാഭ്യാസ കമ്മീഷന്‍റെ ആഭിമുഖ്യത്തില്‍ ബിഷപ്പുമാരുടെ നേതൃത്വത്തില്‍ സെക്രട്ടറിയേറ്റിനു മുന്നില്‍ നടത്തിയ ഏകദിന ഉപവാസ സമരത്തിന്‍റെ സമാപന സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു കര്‍ദിനാള്‍.

അദ്ധ്യാപക വിഷയം ശുഭാപ്തി വിശ്വാസത്തോടെ പരിഹരിക്കാന്‍ കഴിയുമൊന്ന് പ്രതീക്ഷ ഉള്ളതായി വിദ്യാഭ്യാസമന്ത്രി ചര്‍ച്ചയില്‍ വെളിപ്പെടുത്തിയതായി കര്‍ദിനാള്‍ അറിയിച്ചു.

സമയബന്ധിതമായി വിഷയം പരിഹരിക്കണമെന്ന നിര്‍ദ്ദേശമാണ് താന്‍ മുന്നോട്ടുവച്ചിട്ടുള്ളത,് എത്രയും വേഗം അധ്യാപക നിയമന പ്രശ്നം പരിഹരിക്കുമെന്നാണ് പ്രത്യാശിക്കുന്നതെന്ന് കര്‍ദിനാള്‍ പറഞ്ഞു. സര്‍ക്കാര്‍ പ്രശ്നം പരിഹരിച്ചില്ലെങ്കില്‍ സമരപരിപാടികളുമായി വീണ്ടും സെക്രട്ടറിയേറ്റ് മുന്നില്‍ വരേണ്ടിവരുമെന്നും അദ്ദേഹം കൂട്ടിച്ചേര്‍ത്തു

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker