Diocese

ഒരു തൈ നടാം മക്കൾക്ക് വേണ്ടി’ എന്ന പദ്ധതിയുമായി KLCA ബാലരാമപുരം സോണൽ സമിതി

ഞായറാഴ്ച എല്ലാ യൂണിറ്റുകളിലും യൂണിറ്റ്തല ഉദ്ഘാടനം നടക്കും

വി.വികാസ് കുമാർ

ബാലരാമപുരം: പരിസ്ഥിതി ദിനാഘോഷ ങ്ങളുടെ ഭാഗമായി ലാറ്റിൻ കാത്തലിക് അസോസിയേഷൻ (കെ.എൽ.സി.എ.) ബാലരാമപുരം സോണൽ സമിതിയുടെ ആഭിമുഖ്യത്തിൽ ബാലരാമപുരം ഐത്തിയൂർ ദേവാലയത്തിൽ വച്ച് നടത്തിയ ‘ഒരു തൈ നടാം മക്കൾക്കുവേണ്ടി’ എന്ന പദ്ധതിയുടെ സോണൽ തല ഉദ്ഘാടനം സോണൽ പ്രസിഡന്റ് ശ്രീ.എൻ.വി.വികാസ് കുമാർ ഫല വൃക്ഷത്തൈ നട്ടുകൊണ്ട് നിർവഹിച്ചു.

നാം നമ്മുടെ മക്കളുടെ വിവാഹത്തിനും വിദ്യാഭ്യാസത്തിനുമായി സമ്പത്ത് സ്വരൂപിക്കുന്നത് പോലെ തന്നെ ഭാവിതലമുറയുടെ ആരോഗ്യത്തിനും നിലനിൽപ്പിനുമായി ഒരു മരമെങ്കിലും നട്ടുപിടിപ്പിക്കണം എന്ന് സോണൽ പ്രസിഡന്റ് പറഞ്ഞു. മൈലമൂട് ഇടവക വികാരി ഫാ.സാബുവർഗ്ഗീസ് എല്ലാ യൂണിറ്റുകൾക്കും ഫലവൃക്ഷതൈകൾ വിതരണം ചെയ്തു.

മൂവായിരത്തോളം വൃക്ഷത്തൈകൾ വിതരണം ചെയ്തു. ഈ വരുന്ന ഞായറാഴ്ച എല്ലാ യൂണിറ്റുകളിലും യൂണിറ്റ്തല ഉദ്ഘാടനം നടക്കും.

സോണൽ സമിതി സെക്രട്ടറി ജോയി സി., ബീന റോസ്, ഷാജി തുമ്പോട് എന്നിവർ സംസാരിച്ചു.

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker