Parish

കാബേജ് കൃഷിയില്‍ നൂറുമേനി വിളയിച്ച് മണ്ണൂരച്ചന്‍

കാബേജ് കൃഷിയില്‍ നൂറുമേനി വിളയിച്ച് മണ്ണൂരച്ചന്‍

അനിൽ ജോസഫ്

കാട്ടാക്കട: പളളി കോമ്പൗണ്ടില്‍ കാബേജ് കൃഷിയില്‍ നൂറ് മേനി വിളവെടുത്ത് ഒരു വൈദികന്‍. കൊളവുപാറ സെന്‍റ് ജോര്‍ജ്ജ് ഇടവക വികാരിയായ ഫാ.ഡെന്നിസ് മണ്ണൂരാണ് ശീതകാല പച്ചക്കറിയായ കാബേജിനെ കടുത്ത വേനലെത്തും മുമ്പ് നൂറ് മേനി വിളയിച്ചത്.

കാര്‍ഷിക മേഖലയെ ഏറെ സ്നേഹിക്കുകയും, കര്‍ഷകരെ പ്രോത്സാഹിപ്പിക്കുകയും ചെയ്യുന്ന അച്ചന്‍ കഴിഞ്ഞ സെപ്റ്റംബറില്‍ ഇടവകയില്‍ ചാര്‍ജ്ജെടുത്ത ഉടന്‍ തന്നെ ആത്മീയ പ്രവര്‍ത്തനങ്ങള്‍ക്കൊപ്പം കാബേജ് കൃഷിയും ആരംഭിക്കുകയായിരുന്നു. സേവനം ചെയ്തിരുന്ന ഇടവകകളിലെല്ലാം കൃഷിക്ക് നല്ല മാതൃകകള്‍ നല്‍കിയിട്ടുളള വൈദികന്‍ ശീതകാല പച്ചക്കറികളായ കോളിഫ്ളവര്‍, കാബേജ് തുടങ്ങിയവ ആര്യനാട് ഫൊറോന വികാരിയായിരിക്കുന്ന കാലത്ത് ആര്യനാട്ടെ പളളിമേടക്ക് സമീപം കൃഷിചെയ്ത് ചരിത്രം ശ്രഷ്ടിച്ചിട്ടുണ്ട്.

കുളവ്പാറയില്‍ ലാറ്റിന്‍ കാത്തലിക് യൂത്ത് മൂവ് മെന്‍റിന്‍റെയും നിഡ്സിന്‍റെയും സഹകരണത്തോടെയാണ് കൃഷിയിറക്കിയത്. വിളവെടുത്ത കാബേജ് പളളിയില്‍ തന്നെ ലേലം ചെയ്യ്തു. മണ്ണൂരച്ചന്‍റെ കൃഷി കാണാന്‍ കഴിഞ്ഞ ദിവസം പൂവച്ചല്‍ കൃഷി ഓഫീസറും എത്തിയിരുന്നു.

നെയ്യാറ്റിന്‍കര രൂപതയിലെ സാമൂഹ്യ സംഘടനയായ നിഡ്സിന് കീഴിലെ ആരോഗ്യ – മദ്യ വര്‍ജ്ജന കമ്മിഷന്‍ സെക്രട്ടറിയും, ബോണക്കാട് കുരിശുമല റെക്ടറുമാണ് ഫാ.ഡെന്നിസ് മണ്ണൂര്‍.

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker