നെയ്യാറ്റിന്‍കരയില്‍ ക്രിസ്‌ത്യന്‍ ഫെലോഷിപ്പ്‌ ഐക്യ ക്രിസ്‌മസ്‌ സമ്മേളനവും ഘോഷയാത്രയും സംഘടിച്ചിച്ചു
നെയ്യാറ്റിന്‍കരയില്‍ ക്രിസ്‌ത്യന്‍ ഫെലോഷിപ്പ്‌ ഐക്യ ക്രിസ്‌മസ്‌ സമ്മേളനവും ഘോഷയാത്രയും സംഘടിച്ചിച്ചു
നെയ്യാറ്റിന്‍കര ; നെയ്യാറ്റിന്‍കരയിലെ ക്രിസ്‌തീയ സഭകളുടെ കൂട്ടായ്‌മയായ നെയ്യാറ്റിന്‍കര ക്രിസ്‌ത്യന്‍ ഫെല്ലോഷിപ്പിന്റെ നേതൃത്വത്തില്‍ ക്രിസ്‌മസ്‌ നാളില്‍ ഐക്യ ക്രിസ്‌മസ്‌ സമ്മേളനവം ഘോഷയാത്രയും സംഘടിപ്പിച്ചു. തിങ്കളാഴ്‌ച വൈകിട്ട്‌ 5 മണിക്ക്‌ നെയ്യാറ്റിന്‍കര ബസ്റ്റാന്‍ഡ്‌ ജംഗ്‌ഷനില്‍ നിന്നാരംഭിച്ച വര്‍ണ്ണാഭമായ ഘോഷയാത്രയോടെയാണ്‌ പരിപാടിക്ക്‌ തുടക്കമായത്‌. തുടര്‍ന്ന്‌ ബോയ്‌സ്‌ ഹൈസ്‌കൂളില്‍ നടന്ന ക്രിസ്‌മസ്‌ സമ്മേളനം നെയ്യാറ്റിന്‍കര ലത്തീന്‍ രൂപതാ ബിഷപ്‌ ഡോ.വിന്‍സെന്റ്‌ സാമുവല്‍ ഉദ്‌ഘാടനം ചെയ്യ്‌തു.
ക്രിസ്‌ത്യന്‍ ഫെല്ലോഷിപ്‌ പ്രസിഡന്റ്‌ റവ.ആര്‍ ടി ഷിബു അധ്യക്ഷത വഹിച്ച പരിപാടിയില്‍ മലങ്കര കത്തോലിക്കാ സഭയുടെ പാറശാല രൂപതാ ബിഷപ്‌ ഡോ.തോമസ്‌ മാര്‍ യൗസേബിയൂസ്‌ ക്രിസ്‌മസ്‌ സന്ദേശം നല്‍കി.കെ.ആന്‍സലന്‍ എംഎല്‍എ ,നഗരസഭാ അധ്യക്ഷ ഡബ്ല്യൂ ആര്‍ ഹീബ, വികാരി ജനറല്‍ മോണ്‍.ജി.ക്രിസ്‌തുദാസ്‌ , മോണ്‍.വി.പി ജോസ്‌, ജനറല്‍ കണ്‍വീനര്‍ ജോസ്‌ ഫ്രാങ്ക്‌ളിന്‍ , കെ.രവീന്ദ്രന്‍ , റവ.മാത്യൂസ്‌ എബ്രഹാം , ഫാ.ഹോര്‍മിസ്‌ പുത്തന്‍വീട്ടില്‍ , റവ.പവിത്ര സിംഗ്‌, കൗണ്‍സിലര്‍ എല്‍ ഉഷകുമാരി, റവ.വൈ.അരുള്‍ദാസ്‌,റവ.സോണി, പി.ക്രിസ്‌തുദാസ്‌ തുടങ്ങിയവര്‍ പ്രസംഗിച്ചു
