Diocese

മുതിയാവിള സെന്‍റ് ആല്‍ബര്‍ട്ട് ഫൊറോന ദേവാലയ തിരുനാളിന് ഭക്തി നിര്‍ഭരമായ തുടക്കം

മുതിയാവിള സെന്‍റ് ആല്‍ബര്‍ട്ട് ഫൊറോന ദേവാലയ തിരുനാളിന് ഭക്തി നിര്‍ഭരമായ തുടക്കം

അനിൽ ജോസഫ്

കാട്ടാക്കട: നെയ്യാറ്റിന്‍കര രൂപതയിലെ മുതിയാവിള സെന്‍റ് ആല്‍ബര്‍ട്ട് ഫൊറോന ദേവാലയ തിരുനാളിന് ഇന്ന് തുടക്കമായി. 18-ന് സമാപിക്കും. ഇടവക വികാരിയും കാട്ടാക്കട ഫൊറോന വികാരിയുമായ ഫാ.വല്‍സലന്‍ ജോസ് കൊടിയേറ്റി തിരുനാളിന് തുടക്കം കുറിച്ചു.

കൊടിയേറ്റിന് മുന്നോടിയായി ഇടവകയിലെ കുടുംബ യൂണിറ്റുകളില്‍ നിന്ന് ദീപവാഹക പതാക പ്രദക്ഷിണം ഉണ്ടായിരുന്നു. തിരുനാള്‍ പ്രാരംഭ ദിവ്യബലിക്ക് നെടുമങ്ങാട് റീജിയന്‍ കോ-ഓർഡിനേറ്റര്‍ മോണ്‍.റൂഫസ് പയസലിന്‍ മുഖ്യ കാര്‍മ്മികത്വം വഹിച്ചു. ഫാ.ജേക്കബ് മെന്‍റസ് വചന സന്ദേശം നല്‍കി.

9 മുതല്‍ 13 വരെ നടക്കുന്ന മുതിയാവിള ബൈബിള്‍ കണ്‍വെന്‍ഷന് അട്ടപ്പാടി സെഹിയോന്‍ ധ്യാന കേന്ദ്രത്തിലെ ഫാ.സാജു ഇലഞ്ഞിയിലും സംഘവും നേതൃത്വം നല്‍കും.

തിരുനാള്‍ ദിനങ്ങളില്‍ മോണ്‍.സെല്‍വരാജന്‍,മോണ്‍.അല്‍ഫോണ്‍സ് ലിഗോറി, ഫാ.എം.കെ.ക്രിസ്തുദാസ്, ഡോ.അലോഷ്യസ് സത്യനേശന്‍, ഫാ.ജെറാള്‍ഡ് മത്യാസ്, ഫാ.ഡെന്നിസ് മണ്ണൂര്‍, ഫാ.സ്റ്റാന്‍ലി രാജ്, ഫാ.ജോജോ ചക്കുമൂട്ടില്‍, ഫാ.ജോസഫ് പാറാംങ്കുഴി, ഡോ.ക്രിസ്തുദാസ് തോംസണ്‍, ഫാ.ബിനു വര്‍ഗ്ഗീസ്, ഫാ.സെബാസ്റ്റ്യന്‍കൂടപ്പാട്, ഫാ.അഗസ്റ്റിന്‍ പുന്നോലില്‍, ഡോ.ജയരാജ് ജെ ആര്‍, ഫാ.വര്‍ഗ്ഗീസ് നടുതല തുടങ്ങിയവര്‍ നേതൃത്വം നല്‍കും.

17-ന് ആഘോഷമായ ദിവ്യകാരുണ്യ പ്രദക്ഷിണം നടക്കും. 18-ന് രാവിലെ 10.30 ന് നെയ്യാറ്റിന്‍കര രൂപത വികാരി ജനറല്‍ മോണ്‍.ജി.ക്രിസ്തുദാസിന്‍റെ മുഖ്യ കാര്‍മ്മികത്വത്തില്‍ ആഘോഷമായ സമൂഹ ദിവ്യബലി, ഡോ.ലോറന്‍സ് കുലാസ് വചന സന്ദേശം നല്‍കും. തുടര്‍ന്ന് സ്നേഹ വിരുന്ന്.

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker