Diocese

ലത്തീന്‍ സമുദായ സംഗമം; വിശ്വാസ ജ്വാലാ പ്രയാണം ആരംഭിച്ചു

ലത്തീന്‍ സമുദായ സംഗമം; വിശ്വാസ ജ്വാലാ പ്രയാണം ആരംഭിച്ചു

അനിൽ ജോസഫ്‌

നെയ്യാറ്റിന്‍കര: “സമനീതി, അധികാരത്തില്‍ പങ്കാളിത്തം” തുടങ്ങിയ മുദ്രാവാക്യങ്ങളുമായി നെയ്യാറ്റിന്‍കര രൂപത ആതിഥേയത്വം വഹിക്കുന്ന ലത്തീന്‍ സമുദായ സംഗമത്തിന്റെയും, കെഎല്‍സിഎ സംസ്ഥാന സമ്മേളനത്തിന്‍റെയും മുന്നോടിയായുളള വിശ്വാസ ജ്വാലാ പ്രയാണം ആരംഭിച്ചു. നെയ്യാറ്റിന്‍കര ബിഷപ്സ് ഹൗസില്‍ ബിഷപ് ഡോ.വിന്‍സെന്‍റ് സാമുവല്‍ ദീപം കെഎല്‍സിഎ രൂപത പ്രസിഡന്‍റ് ഡി.രാജുവിന് നല്‍കി ഉദ്ഘാടനം ചെയ്യ്തു.

ലത്തിന്‍ കത്തോലിക്കരുടെ പ്രശ്നങ്ങള്‍ പരിഹരിക്കാനും ലത്തീന്‍ സമുദായത്തിന്‍റെ പിന്നോക്കാവസ്ഥ പഠിക്കാനും കമ്മിഷന്‍ ആവശ്യമില്ല എന്ന മന്ത്രി എ.കെ.ബാലന്‍റെ നിലപാട് പ്രതിഷേധാര്‍ഹമാണെന്ന് ബിഷപ് പറഞ്ഞു.

പരിപാടിയില്‍ വികാരി ജനറല്‍ മോണ്‍.ജി.ക്രിസ്തുദാസ്, ശുശ്രൂഷ കോ ഓ ഓഡിനേറ്റര്‍ മോണ്‍.വി പി ജോസ്, അല്‍മായ ശുശ്രൂഷ ഡയറക്ടര്‍ ഫാ.എസ്.എം അനില്‍കുമാര്‍, കെഎല്‍സിഎ സംസ്ഥാന സമിതി അംഗം ജെ.സഹായദാസ്, പാസ്റ്ററല്‍ കൗണ്‍സില്‍ സെക്രട്ടറി നേശന്‍, കെഎല്‍സിഎ രൂപത സെക്രട്ടറി സദാനന്ദന്‍ തുടങ്ങിയവര്‍ പ്രസംഗിച്ചു.

രൂപതയിലെ 11 ഫൊറോനകളുടെയും പ്രതിനിധികള്‍ ജ്വാലാ പ്രയാണത്തിനായി മെഴുകുതിരികള്‍ സ്വീകരിച്ചു. നാളെ ഫൊറോനകളിലും വൈകിട്ട് ബിസിസി യൂണിറ്റുകളിലും ജ്വാലാ പ്രയാണം നടക്കും. എല്ലാ ബിസിസികളിലും നാളെ സമുദായ സംഗമ വിശേഷാല്‍ കുടുംബ യോഗങ്ങള്‍ ക്രമീകരിച്ചിട്ടുണ്ട്.

അടുത്ത ഞായറാഴ്ച രൂപതയിലെ 11 ഫൊറോനകളിലും വിളംബര ബൈക്ക് റാലി നടക്കും. ഡിസംബര്‍ 1 നാണ് സമുദായ സംഗമവും ഒരു ലക്ഷം സമുദായ അംഗങ്ങള്‍ പങ്കെടുക്കുന്ന റാലിയും നെയ്യാറ്റിന്‍കര പട്ടണത്തില്‍ നടക്കുന്നത്.

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker