Vatican

ഫ്രാൻസിസ് പാപ്പയുടെ അപ്രതീക്ഷിത സന്ദർശനം; ഇത്തവണ പേപ്പൽ വസതിയിൽ പതിറ്റാണ്ടുകൾ സേവനം ചെയ്ത വയോധികയായ സിസ്റ്റർ മരിയയെ കാണാൻ

റോമിലെ 'ഡോട്ടേഴ്സ് ഓഫ് ചാരിറ്റി' സമൂഹത്തിന്റെ സന്യാസിനി ഭവനമായ 'റെജീന മൂന്തി'യിൽ

സ്വന്തം ലേഖകൻ

റോം: ആരും പ്രതീക്ഷിക്കാത്ത സ്ഥലങ്ങളിൽ തീർത്തും സാധാരണക്കാരനായി കയറി ചെന്ന് സർവരേയും അമ്പരപ്പിക്കുന്ന ഫ്രാൻസിസ് പാപ്പയുടെ ഇടയശൈലിയ്ക്ക് മാറ്റമില്ല. ഇത്തവണ ആ ഭാഗ്യം കൈവന്നത് പേപ്പൽ വസതിയിൽ പതിറ്റാണ്ടുകൾ സേവനം ചെയ്തശേഷം ഇപ്പോൾ വിശ്രമ ജീവിതം നയിക്കുന്ന വയോധികയായ സിസ്റ്റർ മരിയയ്ക്കാണ്. ഞായറാഴ്ച്ച വൈകുന്നേരം റോമിലെ ‘ഡോട്ടേഴ്സ് ഓഫ് ചാരിറ്റി’ സമൂഹത്തിന്റെ സന്യാസിനി ഭവനമായ ‘റെജീന മൂന്തി’യിലേക്കാണ് പാപ്പാ പോയത്.

ഫ്രാൻസിസ് പാപ്പയുടെ ഇപ്പോഴത്തെ വസതിയായ ‘കാസ സാന്താ മാർത്ത’യിൽ വർഷങ്ങളോളം സേവനം ചെയ്തിരുന്നു സിസ്റ്റർ മരിയ മൂച്ചി. സിസ്റ്ററിനെ കണ്ട് സംസാരിക്കുകയും ആരോഗ്യവിവരങ്ങൾ തിരക്കുകയും ചെയ്തു പാപ്പ.

കൂടാതെ, വിശുദ്ധ ജോൺ പോൾ രണ്ടാമൻ പാപ്പായെ വെടിവച്ച് അപായപ്പെടുത്താൻ ശ്രമിച്ചപ്പോൾ ഉടനെ എത്തിച്ചത് ജെമെല്ലി ആശുപത്രിയിലായിരുന്നു. അപ്പോൾ ധരിച്ചിരുന്ന രക്തക്കറ പുരണ്ട ഉൾവസ്ത്രം (ബനിയൻ) സിസ്റ്റർ മരിയ മൂച്ചിയുടെ പക്കലാണ്. അതിനെക്കുറിച്ചും ഫ്രാൻസിസ് സിസ്റ്ററോട് സംസാരിച്ചു.

മാത്രമല്ല, അപ്രതീക്ഷിത അതിഥിയെ കണ്ട് അമ്പരന്നു നിന്ന അവിടത്തെ മറ്റു സന്യാസിനികളോടും, ജോലിക്കാരോടും, അന്തേവാസികളോടുമൊപ്പം സമയം ചെലവിടുകയും ചെയ്തു പാപ്പാ. തുടർന്ന്,
അവരോടൊപ്പം ഫോട്ടോയും എടുത്ത്, എല്ലാവർക്കും അപ്പസ്‌തോലിക ആശീർവാദം നൽകിയ ശേഷമാണ് പാപ്പാ മടങ്ങിയത്.

Show More

2 Comments

  1. Our dear Pope Francis who sets brilliant examples of “Christian” love and mindfulness. The church endeavours to get back to the people, just as Jesus did. The church needs to overcome it’s obsession with thrones, mitres and regalia and be more like Jesus who lived with the people. Viva il papa Francisco!!
    (George Kaliaden, author of “Healing with Words”- dedicated to Pope Francis)

    1. Thank you very much Sir for your precious words about our beloved Pope…also appreciations to you for dedicating your work in the name of our Head…

Leave a Reply to vox_editor Cancel reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker