അനിൽ ജോസഫ്‌

മാറനല്ലൂര്‍: മാറനല്ലൂര്‍ സെന്റ്‌ പോള്‍സ് ദേവാലയ തിരുനാളിന് കൊടിയേറി. ഇടവക വികാരി ഫാ.ജോണി കെ.ലോറന്‍സ് കൊടിയേറ്റി തിരുനാളിന് തുടക്കം കുറിച്ചു, 26 ന് സമാപിക്കും. തിരുനാള്‍ ആരംഭ ദിവ്യബലിക്ക് ബാലരാമപുരം ഫൊറോന വികാരി ഫാ.ഷൈജുദാസ് മുഖ്യ കാര്‍മ്മികത്വം വഹിച്ചു.

തിരുനാള്‍ ദിനങ്ങളില്‍ എല്ലാ ദിവസവും വൈകിട്ട് 4.30 മുതല്‍ ബൈബിള്‍ പാരായണം നൊവേന ലിറ്റിനി ദിവ്യബലി എന്നിവ ഉണ്ടാവും. 20 മുതല്‍ 24 വരെ നടക്കുന്ന ജീവിത നവികരണ ധ്യാനത്തിന് ഫാ.മേരിജോണ്‍ നേതൃത്വം നല്‍കും.

25 ശനിയാഴ്ച രാവിലെ പുതിയ വൈദികമന്ദിരത്തിന്‍റെ ശിലാസ്ഥാപന കര്‍മ്മം നെയ്യാറ്റിന്‍കര ബിഷപ് ഡോ.വിന്‍സെന്‍റ് സാമുവല്‍ നിര്‍വ്വഹിക്കും.

തിരുനാള്‍ സമാപന ദിനമായ 26 ന് വൈകിട്ട് 6 ന് കമുകിന്‍കോട് ഇടവക വികാരി ഫാ.ജോയിമത്യാസ് മുഖ്യ കാര്‍മ്മികത്വം വഹിക്കുന്ന ആഘോഷമായി സമൂഹ ദിവ്യബലി ഫാ.ജോസഫ് സേവ്യര്‍ വചനം പങ്കുവയ്ക്കും. തുടര്‍ന്ന് കൊടിയിറക്ക്, സ്നേഹവിരുന്ന്.