സ്വന്തം ലേഖകൻ
വത്തിക്കാൻ സിറ്റി: സാഹോദര്യത്തെയും സാമൂഹ്യസൗഹാർദ്ദത്തെയും സംബന്ധിച്ച ചാക്രിക ലേഖനം “ഓംനെസ് ഫ്രാത്രെസ് – എല്ലാവരും സഹോദരങ്ങൾ” (OMNES FRATRES) ഫ്രാൻസിസ് പാപ്പാ 3-Ɔο തീയതി ശനിയാഴ്ച അസീസിയിൽ ഒപ്പുവെച്ചു. തുടർന്ന്, 4 ഞായറാഴ്ച ഉച്ചയ്ക്ക് ത്രികാല പ്രാർത്ഥനയ്ക്ക് ശേഷം ചാക്രിക ലേഖനം പ്രകാശനം ചെയ്യുകയും, വത്തിക്കാൻ ചത്വരത്തിൽ ഒത്തുകൂടിയ എല്ലാവർക്കും ഒസെർവത്തോറെ റൊമാനോയുടെ പ്രത്യേക പംക്തിയിലൂടെ സൗജന്യമായി നൽകുകയും ചെയ്തു.
ശനിയാഴ്ച വിശുദ്ധ ഫ്രാൻസിസ് അസ്സീസിയുടെ ശവകുടീരത്തിൽ അർപ്പിച്ച ദിവ്യബലിക്ക് ശേഷമായിരുന്നു പാപ്പാ ചാക്രികലേഖനത്തിൽ ഒപ്പുവെച്ചത്. കോവിഡ് 19 ന്റെ പ്രത്യേക സാഹചര്യം കണക്കിലെടുത്ത് വിശ്വാസികളുടെ പൊതുപങ്കാളിത്തം ഒഴിവാക്കിയാണ് തിരുക്കർമ്മങ്ങൾ നടന്നത്. അതേസമയം തിരുക്കർമ്മങ്ങളടക്കം ചാക്രിക ലേഖനം ഒപ്പുവെയ്ക്കുന്നതും വിവിധ മാധ്യമങ്ങളിലൂടെ തത്സമയ സംപ്രേഷണവും ഉണ്ടായിരുന്നു.
വിശുദ്ധ ഫ്രാൻസിസ് അസ്സീസിയുടെ തിരുനാൾ ദിനമായ 4-Ɔο തീയതി ഞായറാഴ്ച ഉച്ചയ്ക്ക് ത്രികാല പ്രാർത്ഥനയ്ക്ക് ശേഷം ചാക്രിക ലേഖനം പ്രകാശനം ചെയ്യവേ പാപ്പാ പറഞ്ഞു: ‘ഞാൻ ഇന്നലെ അസ്സീസിയിലെ വിശുദ്ധ ഫ്രാൻസിസിന്റെ ശവകുടീരത്തിൽ വച്ച് സാഹോദര്യത്തെയും സാമൂഹ്യസൗഹാർദ്ദത്തെയും സംബന്ധിക്കുന്ന “ഓംനെസ് ഫ്രാത്രെസ് – എല്ലാവരും സഹോദരങ്ങൾ” എന്ന ചാക്രിക ലേഖനം ഒപ്പുവച്ചു. “ലൗദാത്തോ സീ” എന്ന ചാക്രികലേഖനത്തിന് ശേഷം “എല്ലാവരും സഹോദരങ്ങൾ” എന്ന ചാക്രിക ലേഖനത്തിന് പ്രചോദനം നൽകിയ വിശുദ്ധ ഫ്രാൻസിസ് അസീസിയുടെ ശവകുടീരത്തിൽ വച്ച് അതിനെ ഞാൻ ദൈവത്തിന് സമർപ്പിച്ചു’.
ഇംഗ്ലീഷ് പതിപ്പിനായി ഈ ലിങ്കിൽ പ്രവേശിക്കു: http://www.vatican.va/content/francesco/en/encyclicals/documents/papa-francesco_20201003_enciclica-fratelli-tutti.html
“ഓംനെസ് ഫ്രാത്രെസ് – എല്ലാവരും സഹോദരങ്ങൾ” എന്ന ചാക്രിക ലേഖനം നമ്മുടെ വ്യക്തിജീവിതത്തിലും സാമൂഹ്യ ജീവിതത്തിലും അവിടെയും ഇവിടെയും വരുത്തേണ്ട ക്രമപ്പെടുത്തലുകളെ കുറിച്ചല്ല പറയുന്നത്. മറിച്ച്, നമ്മുടെ കാലത്തിൽ, ആനുകാലിക പ്രസക്തിയോടെ സുവിശേഷം വീണ്ടും വായിക്കാനും, ജീവിക്കാനുമുള്ള ഒരു മാർഗമാണിത്. കൊറോണ വൈറസ് എന്ന മഹാമാരിയെ മാത്രമല്ല, സമകാലിക ലോകത്തിന്റെ പ്രവണതകളെയും അതിജീവിക്കാൻ ഈ ചാക്രിക ലേഖനം നമുക്ക് മാർഗദർശിയാണ്.
പെസഹാ കാലം ആറാം ഞായർ "പിതാവ് എന്നെ സ്നേഹിച്ചതു പോലെ ഞാനും നിങ്ങളെ സ്നേഹിച്ചു. നിങ്ങൾ എന്റെ സ്നേഹത്തിൽ നിലനിൽക്കുവിൻ"…
സ്വന്തം ലേഖകന് റോം : ഇന്നലെ വൈകുന്നേരം 4 മണിക്ക് റോമിലെ ബസിലിക്ക ഓഫ് ഹോളി ക്രോസിലേക്കുള്ള അവന്യൂവില്…
സ്വന്തം ലേഖകന് വത്തിക്കാന് സിറ്റി : അഗ്ളിക്കന് ബിഷപ്പ് ജസ്റ്റിന് വെല്വിയുമായി ഫ്രാന്സിസ് പാപ്പ കൂടികാഴ്ച നടത്തി. നമ്മെ ഒരിക്കലും…
സ്വന്തം ലേഖകന് വത്തിക്കാന് സിറ്റി : ആഗോള പ്രാര്ത്ഥനാ ശൃംഖല വഴിയായി ഫ്രാന്സിസ് പാപ്പായുടെ മെയ് മാസത്തേക്കുള്ള പ്രാര്ത്ഥനാനിയോഗം അടങ്ങിയ…
അനില് ജോസഫ് വത്തിക്കാന് സിറ്റി : മാതാവിന്റെ വണക്കമാസത്തില് വത്തിക്കാന് ഗാര്ഡനിലേക്ക് തീര്ഥാടകര്ക്ക് സ്വാഗതം. വത്തിക്കാന് ഗാര്ഡനിലെ ലൂര്ദ്ദ്…
സ്വന്തം ലേഖകന് വത്തിക്കാന് സിറ്റി: ഏപ്രില് മാസം ഇരുപത്തിമൂന്നു മുതല് ഇരുപത്തിയഞ്ചു വരെ അബുദാബിയില് വച്ചു നടന്ന മുതിര്ന്ന…
This website uses cookies.