World

ക്രിസ്തുവിലുള്ള തന്റെ വിശ്വാസം ഏറ്റു പറഞ്ഞുകൊണ്ട് പോപ് ഗായിക ടോറി കെല്ലി

ക്രിസ്തുവിലുള്ള തന്റെ വിശ്വാസം ഏറ്റു പറഞ്ഞുകൊണ്ട് പോപ് ഗായിക ടോറി കെല്ലി

വിക്ടോറിയ: തന്റെ ജീവിതത്തിലുടനീളം മാര്‍ഗ്ഗ നിര്‍ദ്ദേശം നല്‍കിയത് ക്രിസ്തുവാണെന്ന് പ്രശസ്ത പോപ് ഗായിക ടോറി കെല്ലിയുടെ സാക്ഷ്യം. റോക്ക് ചര്‍ച്ചില്‍ വെച്ച് നടന്ന അഭിമുഖത്തിലാണ് ടോറി കെല്ലി ക്രിസ്തുവിലുള്ള തന്റെ വിശ്വാസം തുറന്നു പറഞ്ഞത്‌. തന്റെ സാക്ഷ്യത്തിന് എത്രമാത്രം പ്രാധാന്യമുണ്ടെന്നറിയാത്തതിനാലാണ് ഇതിനു മുന്‍പ്‌ തന്റെ വിശ്വാസം ഏറ്റു പറയാതിരുന്നതെന്നും ടോറി പറഞ്ഞു.

എനിക്കും നിങ്ങളുമായി പങ്കുവെക്കുവാന്‍ ഒരു അനുഭവണ്ടെന്ന് ദൈവം എനിക്ക് വെളിപ്പെടുത്തി തന്നു. ഇതിനു മുന്‍പൊരിക്കലും എനിക്കിത് പോലെ തോന്നിയിട്ടില്ല. മറ്റുള്ള ക്രിസ്ത്യാനികളെപോലെ തന്നെ താനും ജീവിതത്തില്‍ കൂടുതല്‍ പൂര്‍ണ്ണയാവുകുവാന്‍ ശ്രമിച്ചുകൊണ്ടിരിക്കുകയാണ്. തന്റെ ജീവിതത്തിലുടനീളം തന്നെ സ്വാധീനിച്ച ബൈബിള്‍ വാക്യം പങ്കുവെക്കുവാനും ടോറി കെല്ലി മറന്നില്ല. വിശുദ്ധ പൗലോസ് ഫിലിപ്പിയര്‍ക്കെഴുതിയ 3:7-9 വരെയുള്ള വചനഭാഗമാണ് തന്റെ ജീവിതത്തിലെ പ്രിയപ്പെട്ട വചനമെന്നും ടോറി വെളിപ്പെടുത്തി.

Tory kelli

എന്റെ വിശ്വാസമാണ് എനിക്കുള്ളതെല്ലാം. വീട്ടിലായിരിക്കുമ്പോഴും പരിപാടികള്‍ക്ക് പോകുമ്പോഴും താന്‍ ബൈബിള്‍ വായിക്കാറുണ്ടെന്നും, സംഗീതലോകത്ത്‌ തന്റെ വിനയവും ലാളിത്യവും കൈവിടാതെ കാത്തുസൂക്ഷിക്കുന്നതിന് തന്റെ വിശ്വാസം തന്നെ സഹായിച്ചിട്ടുണ്ടെന്നും കെല്ലി പറഞ്ഞു. ചെറുപ്പത്തിലേ അതിമനോഹര ഗാനങ്ങള്‍ ആലപിച്ച് യുട്യൂബില്‍ വീഡിയോകള്‍ പോസ്റ്റ്‌ ചെയ്തുകൊണ്ടാണ് ടോറി പ്രസിദ്ധയായത്.

ഗാന രചയിതാവു കൂടിയായ ടോറി 58-മത് ഗ്രാമി അവാര്‍ഡില്‍ ഏറ്റവും മികച്ച പുതുമുഖ ഗായികക്കുള്ള അവാര്‍ഡിന് നാമനിര്‍ദ്ദേശം ചെയ്യപ്പെട്ടിരിന്നു. ഈ വര്‍ഷം ആരംഭത്തില്‍ ക്രിസ്ത്യന്‍ റാപ്പറായ ലെക്രെയുമായി ചേര്‍ന്ന് “ഐ വില്‍ ഫൈന്‍ഡ് യു’ എന്ന ഭക്തിഗാനവും പുറത്തിറക്കിയിരുന്നു.ഒരു ആനിമേഷന്‍ ചലച്ചിത്രത്തിന് വേണ്ടി തന്റെ ശബ്ദവും കെല്ലി നല്‍കിയിട്ടുണ്ട്.

Show More

One Comment

Leave a Reply to Justin Cancel reply

Your email address will not be published.

Related Articles

Back to top button

Adblock Detected

Please consider supporting us by disabling your ad blocker