സ്വന്തം ലേഖകൻ

നെയ്യാറ്റിൻകര: നെയ്യാറ്റിൻകര രൂപതാ ചാൻസിലർ റവ.ഡോ.ജോസ് റാഫേലിന്റെ മാതാവ് ജ്ഞാനമ്മ നിര്യാതയായി; 85 വയസായിരുന്നു. വാർദ്ധക്യ സഹജമായ രോഗങ്ങളാൽ ചികിത്സയിലായിരുന്നു. സംസ്കാര ശുശ്രൂഷകൾ ഇന്ന് (ഫെബ്രുവരി 1) വൈകുന്നേരം 3 മണിക്ക് തിരുപുറം സെന്റ് സേവ്യേയേഴ്സ് ദേവാലയത്തിൽ നടക്കും.

ദേവാലയത്തിലെ തിരുക്കർമ്മങ്ങൾക്ക് ശേഷം വീട്ടുവളപ്പിലെ കല്ലറയിൽ സംസ്ക്കാരം നടക്കും. നെയ്യാറ്റിൻകര രൂപതാധ്യക്ഷൻ ബിഷപ്പ് വിൻസെന്റ് സാമുവൽ തിരുക്കർമ്മങ്ങൾക്ക് നേതൃത്വം നൽകും.

പരേതയ്ക്കുവേണ്ടിയുള്ള അനുസ്മരണ ദിവ്യബലി ഫെബ്രുവരി 7 ചൊവ്വാഴ്ച വൈകുന്നേരം 3 മണിക്ക് തിരുപുറം സെന്റ് സേവ്യേയേഴ്സ് ദേവാലയത്തിൽ വച്ച് നടക്കും, തുടർന്ന് വീട്ടുവളപ്പിലിൽ കല്ലറ പ്രാർത്ഥനയും ഉണ്ടായിരിക്കും.

പ്ലാന്തോട്ടം ജി.ആർ.കോട്ടേജിൽ പരേതനായ റാഫേലാണ് ഭർത്താവ്; മക്കൾ: ജോൺറോസ്, ലിസി ഹെലൻ, ശാന്തി, റവ.ഡോ.ജോസ് റാഫേൽ.