ജോസ് മാർട്ടിൻ
കൊച്ചി: ഇന്ത്യയിലെ സ്ത്രീ സമൂഹത്തെ ലോകത്തിന്റെ മുന്നില് അപമാനിച്ച കലാപകാരികള്ക്കെതിരെ സത്വര നിയമനടപടി സ്വീകരിക്കണമെന്ന് കേരള കത്തോലിക്കാ മെത്രാൻ സമിതി (കെ.സി.ബി.സി.). ഇത്തരം സംഭവങ്ങള് ഒന്നല്ല നൂറു കണക്കിനുണ്ട് എന്ന് വമ്പുപറയുന്ന മണിപ്പൂര് മുഖ്യമന്ത്രി ബീരന് സിംങ്ങ് രാഷ്ട്രീയക്കാര്ക്ക് അപമാനമാണെന്നും, കലാപം തുടങ്ങി മാസങ്ങള് പിന്നിട്ടിട്ടും അത് അടിച്ചമര്ത്താന് ഉത്തരവാദിത്തം കാണിക്കാത്ത മുഖ്യമന്ത്രി രാജിവക്കുന്നതാണ് നല്ലതെന്നും കെ.സി.ബി.സി. പത്രക്കുറിപ്പിൽ പറയുന്നു.
ഇന്ത്യന് സ്ത്രീത്വം അപമാനിതമാകുന്നില്ലായെന്ന് ഉറപ്പുവരുത്തേണ്ട കേന്ദ്രസര്ക്കാര് നിഷ്ക്രിയത്വം വെടിഞ്ഞ് ഉത്തരവാദിത്തം നിര്വഹിക്കണമെന്നും, ജനാധിപത്യ രാജ്യത്ത് ക്രമസമാധാനം ഉറപ്പുവരുത്താന് കോടതികളല്ല തെരഞ്ഞെടുക്കപ്പെട്ട സര്ക്കാരുകളാണ് നടപടികള് സ്വീകരിക്കേണ്ടതെന്നും കെ.സി.ബി.സി. സർക്കാരിനെ വിമർശിക്കുന്നുണ്ട്.
സര്ക്കാര് നടപടി എടുക്കാതിരുന്നാല് സുപ്രീം കോടതിക്ക് ഇടപെടേണ്ടി വരും എന്ന് ചീഫ് ജസ്റ്റീസ് വ്യക്തമാക്കിയത് എത്രമാത്രം നിഷ്ക്രിയത്വമാണ് മണിപ്പൂര് കലാപത്തില് കേന്ദ്ര-സംസ്ഥാന സര്ക്കാരുകള് വച്ചുപുലര്ത്തുന്നത് എന്നതിന് തെളിവാണ്. ജനാധിപത്യത്തില് വിശ്വസിക്കുന്ന സകലരും ഒരുവിഭാഗം പൗരന്മാരെ ഉന്മൂലനം ചെയ്യുന്ന മണിപ്പൂര് കലാപത്തെ അപലപിക്കുന്നതിനും കലാപം അടിച്ചമര്ത്തി സമാധാനം പുനഃസ്ഥാപിക്കാന് സര്ക്കാരില് സമ്മര്ദ്ദം ചെലുത്തുന്നതിനും മുന്നോട്ടു വരുന്നത് പ്രതീക്ഷ നല്കുന്നുവെന്നും കേരള കത്തോലിക്കാ മെത്രാൻ സമിതി പത്രകുറിപ്പിൽ അറിയിച്ചു.
സ്വന്തം ലേഖകന് റോം: റോമിലെ ലത്തീന് കത്തോലിക്ക മലയാളികളുടെ ഇടവക ദേവാലയമായ (Basilica San Giovanni Battista dei Fiorentini)…
സ്വന്തം ലേഖകന് ഇംഫാല് : ഇത് ഹൃദയ ഭേദകമായ മണിപ്പൂരിന്റെ ചിത്രം. കഴിഞ്ഞ ദിവസം ഇംഫാന് ആര്ച്ച് ബിഷപ്പ്…
അനില് ജോസഫ് ഫ്രാന്സിസ് ടൗണ് : സതേണ് ആഫ്രിക്കയിലെ ബോട്സ്വാനയിലെ ഫ്രാന്സിസ്ടൗണ് കത്തോലിക്കാ രൂപതയിലെ ബിഷപ്പ് ആന്റണി പാസ്കല് റെബെല്ലോ…
പെസഹാ കാലം ആറാം ഞായർ "പിതാവ് എന്നെ സ്നേഹിച്ചതു പോലെ ഞാനും നിങ്ങളെ സ്നേഹിച്ചു. നിങ്ങൾ എന്റെ സ്നേഹത്തിൽ നിലനിൽക്കുവിൻ"…
സ്വന്തം ലേഖകന് റോം : ഇന്നലെ വൈകുന്നേരം 4 മണിക്ക് റോമിലെ ബസിലിക്ക ഓഫ് ഹോളി ക്രോസിലേക്കുള്ള അവന്യൂവില്…
സ്വന്തം ലേഖകന് വത്തിക്കാന് സിറ്റി : അഗ്ളിക്കന് ബിഷപ്പ് ജസ്റ്റിന് വെല്വിയുമായി ഫ്രാന്സിസ് പാപ്പ കൂടികാഴ്ച നടത്തി. നമ്മെ ഒരിക്കലും…
This website uses cookies.