സ്വന്തം ലേഖകന്‍

വത്തിക്കാന്‍ സിറ്റി: ഫ്രാന്‍സീസ് പാപ്പായുടെ ബാല്‍ക്കന്‍ നാടുകളിലേക്കുളള പര്യടനം ആരംഭിച്ചു. ഇന്നലെ ആരംഭിച്ച പര്യടനത്തില്‍ പാപ്പാ ചൊവ്വാഴ്ച ഉത്തര മാസിഡോണിയായിലും സന്ദർശനം നടത്തും.

ഫ്രാന്‍സീസ് പാപ്പായുടെ 29-ാമത് വിദേശ അപ്പസ്തോലിക പര്യടനമാണിത്. ഇന്നലെ ആരംഭിച്ച ത്രിദിന സന്ദര്‍ശനത്തില്‍ ബാള്‍ക്കന്‍ നാടുകളായ ബള്‍ഗേറിയയും ഉത്തര മാസിഡോണിയയും ആണ് ഇടയസന്ദര്‍ശനത്തിന്‍റെ വേദികള്‍.

ഇന്നലെ രാവിലെ റോമിലെ അന്താരാഷ്ട്ര വിമാനത്താവളത്തില്‍ നിന്ന് ബള്‍ഗേറിയയിലേക്കു പുറപ്പെട്ട പാപ്പാ രണ്ടു ദിവസം; അതായത്, ഞായറും തിങ്കളും അവിടെ ചിലവഴിക്കും. ചൊവ്വാഴ്ച ഉത്തര മാസിഡോണിയയിലേക്കു പുറപ്പെടുന്ന പാപ്പാ അന്നു രാത്രി വത്തിക്കാനില്‍ തിരിച്ചെത്തും.

രണ്ടു നാടുകളിലുമായി പാപ്പാ വ്യോമ-കര മാര്‍ഗ്ഗങ്ങളിലൂടെ 2057 കിലോമീറ്റര്‍ ദൂരം സഞ്ചരിക്കും, 12 പ്രഭാഷണങ്ങള്‍ നടത്തും. റോമില്‍ നിന്ന് സോഫിയായിലേക്കുള്ള വ്യോമദൂരം 895 കിലോമീറ്ററും യാത്രാസമയം 2 മണിക്കൂറുമാണ്. ബള്‍ഗേറിയായും ഇന്ത്യയും തമ്മില്‍ 2 മണിക്കൂറും 30 മിനിറ്റും സമയവിത്യാസമുണ്ട്. അതായത്, ഇന്ത്യ അത്രയും സമയം മുന്നിലാണ്.

പാപ്പായുടെ ഈ ഇടയസന്ദര്‍ശനത്തിലെ രണ്ടാമെത്ത വേദിയായ ഉത്തര മാസിഡോണിയയും ഇന്ത്യയും തമ്മിലും സമയ വിത്യാസമുണ്ട്. ഇന്ത്യ ആനാടിനെ അപേക്ഷിച്ച് 3 മണിക്കൂറും 30 മിനിറ്റും മുന്നിലാണ്.