അനൂപ് ജെ.ആർ.പാലിയോട്

പെരുങ്കടവിള: ലാറ്റിൻ കാത്തലിക്ക് യൂത്ത് മൂവ്മെന്റ് (LCYM) പെരുങ്കടവിള ഫൊറോന സമിതിയുടെ യുവജനദിനാഘോഷം AFRIEL 2K19 (യുവജനങ്ങളുടെ മാലാഖ) എന്ന പേരിൽ മണ്ണൂർ അമലോത്ഭവ മാതാ ദേവാലയത്തിൽവച്ച് ആഘോഷിച്ചു. ഫൊറോന പ്രസിഡന്റ് ശ്രീ.അനൂപ് ജെ.ആർ.പാലിയോട് പതാക ഉയർത്തി യുവജനദിനാഘോഷത്തിനു തുടക്കം കുറിച്ചു.

തുടർന്ന്, ഫൊറോന പ്രസിഡന്റ് അദ്ധ്യക്ഷത വഹിച്ച പൊതുയോഗത്തിൽ യുവജനദിനാഘോഷത്തിന്റെയും, PSC ക്യാമ്പയിന്റെയും ഫൊറോനതല ഉദ്‌ഘാടനം മണ്ണൂർ ഇടവകവികാരിയും ഫൊറോന മീഡിയ കമ്മിഷൻ ഡയറക്ടറുമായ ഫാ.സൈമൺ നിർവ്വഹിച്ചു. LCYM സ്റ്റേറ്റ് വൈസ് പ്രസിഡന്റും രൂപതാ പ്രസിഡന്റുമായ ശ്രീ.ജോജി ടെന്നിസൺ ആശംസകൾ അർപ്പിച്ച് സംസാരിച്ചു.

പ്രസ്തുത സമ്മേളനത്തിൽ വച്ച്
എസ്.എസ്.എൽ.സി., പ്ലസ് 2 പരീക്ഷകളിൽ ഉയർന്ന വിജയം നേടിയ യുവജങ്ങളെ ആദരിച്ചു.

തുടർന്ന്, സ്പോട്-ഡാൻസ്, സൗഹൃദ മത്സരങ്ങൾ തുടങ്ങിയയും സംഘടിപ്പിച്ചിരുന്നു. ശേഷം ശ്രീ.ജോജി ടെന്നിസൻ നയിച്ച ഇന്ററാക്ടിങ് സെക്ഷൻ നല്ലൊരനുഭവമായിരുന്നെന്ന് യുവതീ-യുവാക്കൾ പറഞ്ഞു. വൈകുന്നേരം 5 മണിയോടുകൂടി പതാക താഴ്ത്തിക്കൊണ്ട് AFRIEL 2K19-ന് സമാപനം കുറിച്ചു.

ഫൊറോനയിലെ വിവിധ യൂണിറ്റുകളിൽ നിന്നായി 130 യുവജനങ്ങൾ യുവജനദിനാഘോഷത്തിൽ പങ്കെടുത്തു.