സ്വന്തം ലേഖകൻ
കൊച്ചി: ഒരു മാസങ്ങൾക്കുമുമ്പ് യൂട്യൂബിൽ വൈറലായ വൈദീകരുടെ “അക്കാപ്പെല്ല പാട്ടി”ന് ശേഷം എറണാകുളം-അങ്കമാലി അതിരൂപതയുടെ സാമൂഹ്യ സമ്പർക്ക വിഭാഗമായ ‘പിൽഗ്രിംസ് കമ്മ്യൂണിക്കേഷൻസ്’ അണിയിച്ചോരുക്കിയ “ഉയിർപാട്ട്” ഏറെ ജനപ്രിയമാകുന്നു. ‘പിൽഗ്രിംസ് കമ്മ്യൂണിക്കേഷൻസ്’ ഡയറക്ടർ ഫാ.ജേക്കബ് കോറോത്തും അസിസ്റ്റൻറ് ഡയറക്ടർ ഫാ.ജെയിംസ് തൊട്ടിയിലിനും ചേര്ന്നാണ് സംവിധാനം ചെയ്തിരിക്കുന്നത്.
പ്രളയത്തെ മലയാളി സമൂഹം അതിജീവിച്ചതിന്റെ ത്യാഗങ്ങള് ഉള്ച്ചേര്ത്തുക്കൊണ്ട്, പ്രളയജലത്തിൽ നിന്നും കരകയറാൻ സഹായിച്ചവരെ കോർത്തിണക്കിയാണ് പാട്ട് രൂപകൽപന ചെയ്തിരിക്കുന്നത്. മഴക്കെടുതിയുടെ ദുരിതം അനുഭവിക്കുന്നവർക്കായി തന്റെ കടയിലെ വസ്ത്രങ്ങൾ പൂര്ണ്ണമായും നൽകിയ നൗഷാദിന്റെ വാക്കുകളിലൂടെയാണ് ഗാനം ആരംഭിക്കുന്നത്. പിൽഗ്രിംസ് കമ്മ്യൂണിക്കേഷന്റെ നേതൃത്വത്തിലുള്ള “ദി ട്വൽവ് ബാൻഡി”ലെ പന്ത്രണ്ടോളം വൈദികരാണ് ഹൃദയ സ്പര്ശിയായ ഗാനവുമായി സാമൂഹ്യ മാധ്യമങ്ങളിൽ വൈറലായിരിക്കുന്നത്.
ഗാന രചനയും സംഗീതവും ഫാ.നിബിൻ കുരിശിങ്കലാണ് നൽകിയിരിക്കുന്നത്. ഫാ.എബി ഇടശ്ശേരി, ഫാ.ചെറിയാൻ നേരേവീട്ടിൽ, ഫാ.മെൽവിൻ ചിറ്റിലപ്പിള്ളി എന്നിവർ ചേര്ന്നാണ് ഗാനം ആലപിച്ചിരിക്കുന്നത്. കൂടാതെ, ഗിറ്റാര് – സുമേഷ് പരമേശ്വറും, കീറ്റാര് – ഫാ.ജാക്സൺ സേവ്യറും, വയലിൻ – ഫാ.എബി ഇടശ്ശേരിയും, ഹാര്മോണിയം – ഫാ.സജോ പടയാട്ടിയും, തബല – ഫാ.ജൂബി കളത്തിപ്പറമ്പിലും, ഛായാഗ്രഹണം – ജിജോ എബ്രഹാമും, എഡിറ്റിങ് – ഫാ.ജേക്കബ് കോറോത്തും നിര്വ്വഹിച്ചിരിക്കുന്നു.
പെസഹാ കാലം ആറാം ഞായർ "പിതാവ് എന്നെ സ്നേഹിച്ചതു പോലെ ഞാനും നിങ്ങളെ സ്നേഹിച്ചു. നിങ്ങൾ എന്റെ സ്നേഹത്തിൽ നിലനിൽക്കുവിൻ"…
സ്വന്തം ലേഖകന് റോം : ഇന്നലെ വൈകുന്നേരം 4 മണിക്ക് റോമിലെ ബസിലിക്ക ഓഫ് ഹോളി ക്രോസിലേക്കുള്ള അവന്യൂവില്…
സ്വന്തം ലേഖകന് വത്തിക്കാന് സിറ്റി : അഗ്ളിക്കന് ബിഷപ്പ് ജസ്റ്റിന് വെല്വിയുമായി ഫ്രാന്സിസ് പാപ്പ കൂടികാഴ്ച നടത്തി. നമ്മെ ഒരിക്കലും…
സ്വന്തം ലേഖകന് വത്തിക്കാന് സിറ്റി : ആഗോള പ്രാര്ത്ഥനാ ശൃംഖല വഴിയായി ഫ്രാന്സിസ് പാപ്പായുടെ മെയ് മാസത്തേക്കുള്ള പ്രാര്ത്ഥനാനിയോഗം അടങ്ങിയ…
അനില് ജോസഫ് വത്തിക്കാന് സിറ്റി : മാതാവിന്റെ വണക്കമാസത്തില് വത്തിക്കാന് ഗാര്ഡനിലേക്ക് തീര്ഥാടകര്ക്ക് സ്വാഗതം. വത്തിക്കാന് ഗാര്ഡനിലെ ലൂര്ദ്ദ്…
സ്വന്തം ലേഖകന് വത്തിക്കാന് സിറ്റി: ഏപ്രില് മാസം ഇരുപത്തിമൂന്നു മുതല് ഇരുപത്തിയഞ്ചു വരെ അബുദാബിയില് വച്ചു നടന്ന മുതിര്ന്ന…
This website uses cookies.