അഡ്വ; ഷെറി തോമസ്
എറണാകുളം: പ്രൊഫഷണല് കോളേജ് അഡ്മിഷനില് എഞ്ചിനീയറിംഗ്, മെഡിസിന് കോഴ്സുകളിലുള്പ്പെടെ നിലവിലുള്ള ഫ്ളോട്ടിംഗ് സംവരണസമ്പ്രദായം അടുത്ത പ്രവേശനവര്ഷം മുതല് ഇല്ലാതാക്കാനുള്ള നീക്കത്തിനെതിരെ കെ.എല്.സി.എ. സംസ്ഥാന പിന്നാക്ക കമ്മീഷന് പരാതി നല്കി. സംവരണ വിഭാഗം വിദ്യാര്ഥികള്ക്ക് മെറിറ്റ് അടിസ്ഥാനത്തില് മികച്ച കോളേജിലേക്ക് പ്രവേശനം മാറ്റി നല്കാന് 20 വര്ഷം മുമ്പ് നിയമസഭാ സമിതിയുടെ ശുപാര്ശ പ്രകാരം നടപ്പിലാക്കിയ സംവിധാനം നിര്ത്തലാക്കി സംവരണം കോളേജ് അടിസ്ഥാനത്തില് മാത്രമാകുമ്പോള് ഒ.ബി.സി. വിഭാഗത്തില്പ്പെട്ട വിദ്യാര്ത്ഥികളുടെ മൊത്തത്തിലുള്ള അവസരത്തില് കുറവ് വരുമെന്ന വിവരം കമ്മീഷന്റെ ശ്രദ്ധില് കൊണ്ടുവരുന്നതിനുകൂടിയാണ് പരാതി നല്കിയത്.
സ്റ്റേറ്റ് മെറിറ്റ് ലിസ്റ്റില് പ്രവേശനം ലഭിക്കുന്ന സംവരണ വിഭാഗം വിദ്യാര്ത്ഥിക്ക് മെച്ചപ്പെട്ട മറ്റൊരു സര്ക്കാര് കോളേജില് സംവരണ സീറ്റ് ലഭിക്കുമെങ്കില് അവിടേക്ക് മാറാന് അവസരം ലഭിക്കും. വിദ്യാര്ത്ഥി ഇത്തരത്തില് കോളേജ് മാറുമ്പോള് പ്രവേശനം പുതിയതായി ലഭിച്ച മെച്ചപ്പെട്ട കോളേജിലെ സംവരണ സീറ്റ് വിദ്യാര്ത്ഥി മാറിവന്ന പഴയ കോളേജിലേക്ക് നല്കും. പകരമായി പഴയ കോളേജിലെ മെറിറ്റ് സീറ്റ് വിദ്യാര്ത്ഥിക്കൊപ്പം പുതിയ കോളേജിലേക്ക് മാറ്റുകയും ചെയ്യും. ഉയര്ന്ന റാങ്കുള്ള വിദ്യാര്ഥിക്ക് അതുവഴി മെച്ചപ്പെട്ട കോളേജില് പ്രവേശനം ലഭിക്കുമ്പോള് ബന്ധപ്പെട്ട് സംവരണ സമുദായത്തിന് സ്റ്റേറ്റ് മെറിറ്റ് കോട്ടയിലെ സീറ്റ് നഷ്ടം ഉണ്ടാകാതിരിക്കാനാണ് ഈ സംവിധാനം കൊണ്ടുവന്നത്.
ഫ്ളോട്ടിംഗ് സംവരണം അവസാനിപ്പിച്ചാല്, ഒ.ബി.സി. സംവരണ വിഭാഗത്തിന് സ്റ്റേറ്റ് മെറിറ്റ് കോട്ടയിലെ സീറ്റുകളുടെ എണ്ണം കുറയും. ഇത് ലത്തീന് കത്തോലിക്കര് ഉള്പ്പെടെയുള്ള ഒ.ബി.സി. വിദ്യാര്ത്ഥികളെ പ്രതികൂലമായി ബാധിക്കുമെന്നും, അതുകൊണ്ട് ഫ്ളോട്ടിംഗ് റിസര്വേഷന് നിര്ത്തലാക്കാനുള്ള എന്ട്രന്സ് കമ്മീഷറണറുടെയും വിദ്യാഭ്യാസവകുപ്പിന്റെയും നടപടിക്കെതിരെയാണ് കെ.എല്.സി.എ. പരാതി നൽകിയത്.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.