ജോസ് മാർട്ടിൻ

വേളാങ്കണ്ണി: ശ്രീ.സാബു വി. തോമസ് കോൾപിംഗ് ഇന്ത്യയുടെ പുതിയ ദേശീയ പ്രസിഡന്റ്. വേളാങ്കണ്ണിയിൽ വെച്ചു നടന്ന തിരഞ്ഞെടുപ്പിലൂടെയാണ് ആലപ്പുഴ രൂപതയിലെ വട്ടായാൽ ഇടവക അംഗമായ ശ്രീ.സാബു വി.തോമസ് കോൾപിംഗ് ഇന്ത്യയുടെ ദേശീയ പ്രസിഡന്റായി നിയമിതനായത്.

16 വർഷങ്ങളായി കോൾപിംഗ് ഇന്ത്യയിൽ പ്രവർത്തിച്ചുവരികയായിരുന്നു ശ്രീ.സാബു. സാമൂഹ്യസേവന രംഗത്ത് ജർമ്മനി ആസ്ഥാനമായി അന്തർ ദേശീയതലത്തിൽ പ്രവർത്തിച്ചുവരുന്ന സംഘടനയാണ് കോൾ പിംഗ് സൊസൈറ്റി.

ആലപ്പുഴയിലെ സാമൂഹ്യവും, സാംസ്കാരികവും, സാമുദായികവുമായ രംഗങ്ങളിലെ സജീവസാന്നിധ്യമാണ് ശ്രീ.സാബു വി.തോമസ്. കൂടാതെ, കേരള ലാറ്റിൻ കാത്തലിക് അസോസിയേഷൻ (K.L.C.A) ആലപ്പുഴ രൂപതാ വൈസ് പ്രസിഡന്റാണ് അദ്ദേഹം.

അതുപോലെതന്നെ കോൾപിംഗ് ഇന്ത്യ ആലപ്പുഴരൂപതാ കോർഡിനേറ്റർ, കോൾപിംഗ് ഇന്ത്യ ആലപ്പുഴരൂപതാ പ്രസിഡന്റ്, കോൾപിംഗ് ഇന്ത്യ നാഷണൽ ബോർഡ് മെമ്പർ തുടങ്ങി വിവിധ മേഖലകളിൽ പ്രവർത്തിച്ചിട്ടുണ്ട്. ഭാര്യ ഹേമ മേരി ആലപ്പുഴ ജനറൽ ഹോസ്പിറ്റലിൽ സ്പെഷ്യൽ എഡ്യൂക്കേറ്ററായി സേവനം ചെയ്യുന്നു.