അനിൽ ജോസഫ്‌

നെടുമങ്ങാട്: “സമനീതി, അധികാരത്തില്‍ പങ്കാളിത്തം” തുടങ്ങിയ മുദ്രാവാക്യങ്ങളുമായി നെയ്യാറ്റിന്‍കര രൂപത ആതിഥേയത്വം വഹിക്കുന്ന ലത്തീന്‍ കത്തോലിക്ക സമുദായ സംഗമത്തിന് മുന്നോടിയായി നെടുമങ്ങാട് ഫൊറോനയില്‍ വിളംബര ജാഥ സംഘടിപ്പിച്ചു.

ഏലിയാപുരം കര്‍മ്മലമാതാ ദേവാലയത്തില്‍ നെടുമങ്ങാട് റീജിയന്‍ കോ-ഓർഡിനേറ്റര്‍ മോണ്‍.റൂഫസ് പയസലിന്‍ സംഘാടക സമിതി ചെയര്‍മാന്‍ എ. മോഹനന് ഫ്ളാഗ് കൈമാറി ഉദ്ഘാടനം ചെയ്തു. ലത്തീന്‍ സമുദായത്തിന്റെ പിന്നോക്കാവസ്ഥ പരിഹരിക്കുവാന്‍ കേരളത്തില്‍ മാറിമാറി വരുന്ന സര്‍ക്കാരുകള്‍ പ്രതിഞ്ജാ ബദ്ധമാണെന്ന് അദ്ദേഹം പറഞ്ഞു.

നെടുമങ്ങാട് ഫൊറോന വികാരി ഫാ.സിറില്‍ ഹാരിസ്, കെസിവൈഎം ഡയറക്ടര്‍ ഫാ.അനീഷ് ജോര്‍ജ്ജ് , കെഎല്‍സിഡബ്ല്യുഎ സംസ്ഥാന ജനറല്‍ സെക്രട്ടറി അല്‍ഫോണ്‍സ ആന്‍റില്‍സ്, ആനിമേറ്റര്‍ എഫ് മോഹന്‍, കെഎല്‍സിഎ നെടുമങ്ങാട് ഫെറോന പ്രസിഡന്‍റ് ജി ബിജു, ഫൊറോന സെക്രട്ടറി എം പി സുലജ തുടങ്ങിയവര്‍ പ്രസംഗിച്ചു. വിളംബര ജാഥ നെടുമങ്ങാട്ടില്‍ സമാപിച്ചു.