അനിൽ ജോസഫ്‌

ബാലരാമപുരം: സ്ത്രീകള്‍ക്കും കുട്ടികള്‍ക്കുമെതിരെ വര്‍ദ്ധിച്ചു വരുന്ന അതിക്രമങ്ങള്‍ക്കെതിരെ കെഎല്‍സിഎ ബലരാമപുരം സോണല്‍ സമിതിയുടെ നേതൃത്വത്തില്‍ പ്രതിഷേധ ജ്വാല സംഘടിപ്പിച്ചു. കെഎല്‍സിഎ സംസ്ഥാന സമിതി അംഗം എസ്.ഉഷകുമാരി പരിപാടി ഉദ്ഘാടനം ചെയ്തു.

രാജ്യത്തെ ജനങ്ങളുടെ ജീവനും സ്വത്തിനും സംരക്ഷണം നല്‍കേണ്ടവര്‍ കൈയ്യും കെട്ടി നോക്കി നില്‍ക്കുകയാണന്ന് എസ്.ഉഷകുമാരി പറഞ്ഞു. മക്കള്‍ പുറത്ത് പോയാല്‍ തിരിച്ചു വരുമോയെന്ന ആശങ്കയിലാണ് രാജ്യത്തിലെ അമ്മമാര്‍ എന്ന് മുഖ്യ സന്ദേശം നല്‍കിയ ഫെറോന വികാരി ഫാ.ഷൈജുദാസ് പറഞ്ഞു.

സോണല്‍ പ്രസിഡന്റ്‌ വികാസ് കുമാര്‍ അദ്ധ്യക്ഷത വഹിച്ചു. നിലവിലുള്ള പോക്സോ കേസുകളില്‍ ഉടന്‍ വിധി നടപ്പിലാക്കണമെന്നും, ഇത്തരം ക്രൂരകൃത്യങ്ങള്‍ ചെയ്യുന്നരെ സര്‍ക്കാരും രാഷ്ട്രീയ പാര്‍ട്ടികളും സംരക്ഷണം നല്‍കരുതെന്നും അദ്ധേഹം പറഞ്ഞു. കെഎല്‍സിഡബ്ല്യൂഎ സംസ്ഥന ജനറല്‍ സെക്രട്ടറി അല്‍ഫോണ്‍സ ആന്‍റില്‍സ്, കെഎല്‍സിഡബ്ല്യൂഎ അസോണല്‍ പ്രസിഡന്‍റ് ഷീബാ, കെഎല്‍സിഎ രൂപതാ സമിതി അംഗം ജസ്റ്റിസ്, ആനിമേറ്റര്‍മാരായ സജി, ജസീന്ത, ബിപിന്‍, ജോയി.സി, അരുണ്‍ തോമസ്, ഉഷാകുമാരി, സജിത, ബൈജു, തുടങ്ങിയവര്‍ പ്രസംഗിച്ചു.