ഫാ.ജിബു ജെ.ജാജിൻ

വി.അൽഫോൻസ് മരിയ ലിഗോരി രചിച്ച് സംഗീതം നൽകിയ പരമ്പരാഗത ക്രിസ്തുമസ് ഗാനം ഫാ.നെൽസൺ OSJ യുടെയും സംഘത്തിന്റെയും നേതൃത്വത്തിൽ OSJ Creative Studios മലയാളത്തിൽ പുറത്തിറക്കി. കെസ്റ്റർ ആണ് ഈ ഗാനം ആലപിച്ചിരിക്കുന്നത്.

അതിമനോഹരമായ Tu scendi dalle stelle (തു ശെന്തി ദല്ലേ സ്റ്റെല്ലേ) എന്ന പരമ്പരാഗത ക്രിസ്തുമസ് ഗാനം 1732-ൽ ആണ് ജന്മം കൊണ്ടത്. ലോകത്തിലെ വിവിധങ്ങളായ ഭാഷകളിൽ ഈ ഗാനം തർജ്ജിമ ചെയ്യപ്പെട്ടെങ്കിലും മലയാളത്തിലേക്ക് ഈ ഗാനം ആവിഷ്കരിക്കപ്പെടാൻ 2019 വരെ കാത്തിരിക്കേണ്ടി വന്നു. അതിനു മുൻകൈയെടുത്ത ഫാ.നെൽസൺ OSJ യും സംഘവും പ്രശംസയർഹിക്കുന്നു.

കൂടാതെ, ഈ ഗാനത്തിന്റെ പ്രാധാന്യം മനസ്സിലാക്കി വരികൾ തയ്യാറാക്കാനായി നെൽസൺ അച്ചനോടൊപ്പം ഫാ.സുമേഷ് ജോസഫ് OSA, ഫാ.തോമസ് ആന്റണി, ജിജോ പാലോട് എന്നിവർ വലിയ പങ്കുവഹിച്ചു. ഇതിന്റെ പശ്ചാത്തല സംഗീതം ഒരുക്കിയത് ഷാജിജൂസ ജേക്കബാണ്.

ഈ മഹത്തായ ഉദ്യമത്തിൽ പങ്കുചേർന്ന മറ്റ് അണിയറ പ്രവർത്തകരും, അകമ്പടി പാടിയവരും ചരിത്രത്തിന്റെ ഭാഗമാകാൻ കഴിഞ്ഞത്തിന്റെ സന്തോഷത്തിലാണ്. ക്രിസ്തുമസ് കാലത്തിൽ ഈ ഗാനം ഒരുക്രിസ്തു അനുയായിയെയും ആഴത്തിൽ സപർശിക്കും എന്നതിൽ സംശയമില്ല.